Švetovi kongres - švetova rada

Як одвит на тоту вимогу, сцигла поволанка же би члени Шветовей Ради РРЛ 29. новембра у Києве присуствовали на схадзки Державного комитету народносцох и релиґийох України.
Як предвидзене, на схадзки у Державним комитету народносцох и релиґийох України, члени ШР РРЛ з представителями орґанох України буду бешедовац о положеню Русинох у тей жеми, винєшу вимаганє о припознаваню Русинох як окремней националней меншини у України, як и вимаганє же би ше, на наиходзацим попису жительства у України, Русини могли вишньовац як Русини и так уписовц до окремней рубрики, цо до тераз нє бул случай.
 

Шесте зашеданє идуцого тижня
Шветова рада Руснацох/Русинох/Лемкох, под предшедованьом єй предсидателя Дюру Папуґу, свою Шесту, порядну схадзку отрима у Братислави, у Словацкей Републики идуцого тижня, 20. новембра.

 

На схадзки будзе бешеди о актуалним положеню и активносцох Русинох на Подкарпатю, у України, о пририхтованю русинских орґанизацийох за кампанї пре наступни пописи жительства 2011. и 2012. року, о пририхтованьох за 11. шветови конґрес РРЛ у Мадярскей, як и о активносцох на виробки нового Статуту Шветового конґреса. Пред зашеданьом, шицки члени ШР РРЛ 19. новембра буду мац приєм у Влади Словацкей Републики у Братислави.  На тим стретнуцу з представителями Влади Словацкей, главна тема будзе оцена и можлївосци унапредзованя положеня русинскей националней меншини у Словацкей Републики, як и пририхтованя за попис жительства у тей держави.

(конєц) мсл