TEČE VODA KALAMUTNA...

Teče voda kalamutna,
Mila moja čom jes smutna,
Ja ne smutna lem serdyta,
Bo pro tebe bylam byta.

Byla mene mamka v noči,
Pro Ivankovy čorny oči,
Ši povila bude byty,
Žeby Ivanka ne ľubyty.

Mamko moja, zrob mi dašto,
Za Ivankom bars mi ťažko,
Meni maty vorožyla,
Vžala tičku, taj nabyla.

Mamko moja solodeňka,
I ty byla molodeňka,
Ty chodyla tak za ňaňkom,
Jak ja teper za Ivankom.

Tobi bylo lehko, maty,
Miž svojimi vyberaty,
Ty vyšla za moho ňaňka,
A ja ľubľu čužoho Ivanka.

A ja Ivanka tak ľubuju,
De zyjdu sa tam ciluju,
Oj, Ivanku, serce moje,
Ne jest takych jak my dvoje.

Teče voda kolo mlyna,
Mamko moja ja ne vynna,
Bo my taky sparuvany,
Jak horňatka maľuvany.


> späť