Toho vikendu Festival ruskej kultury "Červena ruža"

 

Того викенду Фестивал рускей култури „Червена ружа”
 

У Руским Керестуре на пияток, 28. юния, почина тогорочни 52. Фестивал рускей култури „Червена ружа". Фестивал почнє з отвераньом вистави подобових роботох младей академскей малярки з Кули Лидиї Барновей у голу Дому култури, а после того, на отвореней сцени у Школи „Петро Кузмяк" будзе отримана манифестация дзецох и за дзеци „Червене пупче".

На соботу, 29. юния, у физкултурней сали Школи „Петро Кузмяк" будзе отримани Керестурски саям, а на спортским терену Школи турнир у одбойки у рамикох СБ „Яша Баков". На вечар будзе отримани Шветочнио концерт „На штред широкей ровнїни", на хторим участвую и госцуюци ансамбли и шпиваче - зоз Суботици, з Прешова зоз Словацкей и з України. После Шветочного концерту у школским дворе будзе грац позната ґрупа „Абсолутно романтичне".
 

Закончуюца манифестация Фестивалу на нєдзелю, 30. юния, будзе „Червена ружа" - змаганє младих шпивачох-аматерох за найкрасши дзивоцки и леґиньски глас, як и змаганє нових композицийох у забавним духу.

Крем вистави, шицки манифестациї и програми „Ружи" буду отирмани у Школи „Петро Кузмяк".

 

автор:  зам