Toho vikendu "Mikloševci 2012"

Того викенду „Миклошевци 2012”
На соботу и нєдзелю, 1. и 2. септембра, у Миклошевцох (Hrvatska) будзе отримана Двацец седма Културна манифестация „Миклошевци 2012”.
 
Першого дня буду отворени два вистави - подобових роботох Жани Ерделї з Винковцох и документарна, з нагоди 40-рочнїци часопису „Нова думка”. По отвераню виставох, од 20 г. цаловечарши концерт отримаю КУД „Жатва” з Коцура и домашнє КУД „Яким Ґовля”.

На нєдзелю, 2. септембра, од 10,15 г. будзе Служба Божа, та отверанє ище єдней вистави - етно-збирки миклошевского музею, а после покладаня венцох на памятнїк, од 13г. будзе отримане стретнуце школярох з нашу писательку Меланию Римарову з Петроварадину.

Од 15 г. почнє манифестация з назву „Поздрав ровнїни” и на тей смотри фолклору участвую КУД з Петровцох, Винковцох, Вуковару, Илоку, Сотину, з Нового Саду и Миклошевцох. На вечар, од 20 г., будзе отримани Вечар рускей писнї, на хторим участвую шпиваче з Осиєку, Петровцох, Вуковару и з Миклошевцох.

„Миклошевци 2012” орґанизує КУД „Яким Ґовля”, покровитель манифестациї Совит за национални меншини РГ и жупан Вуковарско-сримскей жупаниї Божо Ґалич, а сопокровителє Општина Томповци и Союз Русинох и Українцох РГ.

(конєц) зам