Turnaj u malim fodbale mladich Rusnacoch

Турнир у малим фодбалє младих Руснацох

Фодбаласка екипа керестурскей ОШ "Петро Кузмяк" вчера одпутовала до України, до Мукачова на Подкарпатю, дзе того викенду участвує на Медзинародним турниру у малим фодбалє младих Руснацох.

На чолє младих фодбалерох директор керестурскей Школи "Петро Кузмяк" Янко Хома, як и предсидатель Рускей матки дюра Папуґа, так же тото госцованє источасно будзе и промоция керестурскей Ґимназиї по руски.

Рускокерестурци з домашнїма, окреме з родичами и дзецми з Мукачова и других местох з Подкарпатя, буду бешедовац о можлївосци и условийох школованя школярох з того краю у керестурскей Ґимназиї.

Седемчленова екипа фодбалерох пиятих, шестих и осмих класох керестурскей Школи, нєшка и ютре участвує на Медзинародним турниру младих Руснацоху малим фодбалє, а попри нїх и домашнїх, наявени приход и фодбалерох зоз Словацкей, Польскей и Румуниї.

Медзинародни турнир у малим фодбалє младих Руснацох у Мукачове 1. и 2. мая орґанизує Крайове здруженє подкарпатских Русинох, на чиїм чолє член Шветовей ради РРЛ Микола Бобинєц.

Одход наших фодбалерох на тот Медзинародни турнир до Мукачова финансийно оможлївели ОШиҐ "Петро Кузмяк", Национални совит Руснацох и Руска матка.

(конєц) зам