U Bratislavi sja oslavovalo rusyňstvo

Bratislava už po pjatyj raz hostyla na svoji pomery exoticke podujaťa – rusyňsku zabavu. Každyj z vecej jak 350 učastnykoch buď znať abo spoznal što znamenať rusyňskyj temperament. V subotu 17. apriľa 2010 sja v Domi kultury - Zerkadlovyj haj uskutočnyla zabava, kotra ša nesla v duchu jubileji – 5. zabava organizaciji molody.Rusyny, 15. vyročie kodifikaciji rusyňskoho jazyka a 20. vyroče od vznyku Rusyňskoj obrody na Sloveňsku (ROS). Takoj na počatku  zabavy vystupyl FS Lipa

z prekrasnyma pasmami spiviv i taňciv. Moderatory večera Ľudka Sekerakova (zarivno holovna organizatorka) i Andrij Zeher privytali hostiv a otvorili už tradične podujaťa bratislavskych Rusynoch a jich pryjateliv. Vzacny hoste – Lemkove - prišli  z Poľska až Wroclavy. 
          
Z pryhovorami vystupili doc. MUDr. Michal Šteňo, CSc, Ing. arch. Milan Andráš, PhD. i predseda organizaciji molody.Rusyny Ing. Peter Štefaňák. Krim tradičnych slov sme čuli vyzdvihnuťa rusyňskoho jazyka i prezentovaňa peršoj publikaciji z dielňi molodych.Rusynoch spid avtorskoho pera Silviji Lysinovoj. I keď sja vekšyna ľudy pryšla bavyti, minutom tycha byla uctena pamjatka žertv poľskoho leteckoho neščešča. 

Prekrasnu ideu utrimovaňa svojo kultury vkazali molody.Rusyny ďalšym velykym krokom – pid vedžiňom Petra Štefaňaka i Boženy Zahorcovoj - nacvičyli svoju peršu tanečnu choreografiu „Ej, svaška, ja svaška...“. Burlivyj potlesk a vyžadanyj tanečnyj prydavok ocinyl entuziasmus molodych ľudy, kotry sja formujuť do novoho  folklornoho ansambľu. 

Calyj večer hrala do taňca sninska kapela FLAM , kotra prestavky vypovnyla - jak inakše – spivom kolo harmoniji.  Zerkadlovyj haj sja zas trjas pid naporom rusyňskoj špivanky a masivnoj spolupatričnosty pooblapjanych ľudy na parketi.  Kiby takyj micnyj moment trymal vičnisť, kiby sme furt mali k sobi blizko tak, jak v totu mynutu. Nejedno serdce zaplesalo pri pohľadi na takyj silnyj emocijami nabytyj čas. 

Tancom, čapašovyma prvkami, uveli chlopci - organizatorei tombolu, kotra potišyla 15-och vyhercoch prekrasnyma cenami – pobyt v kupeľoch, cena PC Revue, cena vizažistky, obrazy, ovocny košy, CD, knyžky....  O tym, že soj organizacija dala zaležaty na prezentovaňu rusyňskoho jazyka a literatury svedčyli i ceny darovany ROS a infoRusynom – hodnotny knyžky a predplatne časopysu infoRusyn. Každyj vyherca byl zaroveň obdarovanyj perom i zapisnykom molody.Rusyny.

Enormnyj zajem o podujaťa, kotre molody.Rusyny organizujut ša vkazal takoj po tyždňu od prodaja lystkoch, keď byla zabava kompletňi vyprodana. 

Už teraz ša tišyme na ďalšu prekrasnu akciju, ktoru nam svojom učasťom sprijemnyte Vy všytky – našy priaznivci.

Išti raz ďakujeme aj šytkym sponzorom: Kúpele Vyšné Ružbachy, Galeria Andreja Smoláka, nezávislej vizážistke Mary Kay -  Ing. Jozefe Hruškovej, spoločnosti Digital Vision, M.V.O. audit, ROS, časopisu infoRusin, ZIRS,  Food and Decor, FS Barvinok, obci Habura i členky SND Gabriela Dzúriková.

 

-šp-