Umar Vladimir Palančanin

Умар Владимир Паланчанин
 

После краткей и чежкей хороти, нєшка рано, 11. децембра, у Новим Садзе умар Владимир Паланчанин, котри под час свойого роботного вику бул на чолє вецей руских институцийох.  Владимир Паланчанин народзени 1953. року у Дюрдьове. Основну школу и ґимназию закончел у Вербаше, а Филозофски факултет у Беоґрадзе.
 

Од 1977. по 1979. рок робел як профессор у Школи "Петро Кузмяк" у Руским Керестуре, у вецей тедишнїх штредньошколских напрямох, а после одслуженого войска, од 1981. року робел у РТВ Нови Сад.  Од 1990. року бул на функциї одвичательного редактора Редакциї програми на руским язику, а од 2000. року робел у Маркетинґу РТВ, як продуцент.
 

За директора НВУ "Руске слово" у Новим Садзе бул вибрани 2005. року, и на тей функциї бул до єшенї 2010. року, а попри других активносцох на тей длужносци, бул и єден з иницияторох снованя Аґенициї "Рутенпрес".
 

Владимир робел на велїх одвичательних роботох. Як одвичательни редактор Програми на руским язику у РТВ Нови Сад, источасно бул задлужени и за орґанизацию и пририхтованє Фестивала "Ружова заградка". За свою роботу Владимир Паланчанин бул вецейраз наградзовани.
З
а Владимиром остала супруга Анґела и тройо дзеци - Кристина, Андрей и Емил. Комеморативна схадзка з нагоди упокоєня Владимира Папаланчанина будзе отримана на пондзелок, 13. децембра од 11 годзин, у просторийох "Дневнику" у Новим Садзе (на другим поверху).
 

Истого дня, на пондзелок, Владимир Паланчанин будзе поховани на новосадским Новим теметове, на 13,30 годзин.
 
(конєц) сим