Uskutočnil sa tradičný Kračunský koncert

 

Отримани традицийни Крачунски концерт

Внєдзелю вечар 27. децембра, на треци дзень Крачуна у велькей сали Дома култури отримани традицийни Крачунски концерт. У полней сали нащивительох зоз колядами, танцом и стихами рождество Христово преславели члени шпивацких секцийох Дома култури, од наймладших “Шкорванчкох” по Женску и Хлопску жридлову ґрупу, Народна орхестра, соло шпиваче Дарко Афич и Роберт Загорянски, рецитаторка Цецилия Надь, та танєчни ґрупи виронаучних школярох од другей по пияту класу. Пре хороту нє наступел и Мишани хор Дома култури и церкви св. оца Миколая.
Нащивительох Концерту привитал парох керестурски о. Михайло Малацко и шицким пожадал щешлїве швето.

Як уж традиция Крачунски концерт ше отримал у орґанизациї Дома култури и парохиї керестурскей, а пририхтали го Юлиян Рамач Чамо, Михайло Зазуляк, шестра Служебнїца Арсения, конферансу зложела Мария Стрибер, а водзел ю Мирослав Малацко.

(конєц) маф