Uskutočnila sa tradičná Letná škola

У орґанизациї Союзу Русинох и Українцох Горватскей и з финансийну потримовку Министерства науки, образованя и спорту Влади РГ, и того року отримана традицийна Лєтна школа мацеринского язика и култури Русинох и Українцох Републики Горватскей.

Лєтна школа за школярох основних и штреднїх школох отримана од 10. по 24. авґуст на морю, у месце Селци, а як и каждого року - з цильом очуваня националного идентитету рускей и українскей националней меншини у Горватскей.

У програми тогорочней Лєтней школи, вєдно з преподавачами, участвовали 122 особи, а школяре мали нагоду учиц, лєбо преглїбиц знанє русинского, лєбо українского язика упознац ше з терашньосцу и прешлосцу русинского, та українского народу, односно з їх историю, културним нашлїдством и досцигнуцами у науки и уметносци.

Як Рутенпрес дознава од водителя Лєтней школи Звонка Костелника, фактично то була дополнююца школа за школярох - припаднїкох рускей и українскей националней меншини, котри у своїм штредку нє маю орґанизовану порядну форму виучованя мацеринского язика, лєбо за шицких котри з було яких причинох под час школского року нє нащивйовали наставу русинского, лєбо українского язика.

На Лєтней школи участвовали и фаховци зоз Войводини - Юлиян Рамач Чамо и млади Алексей Сивч.

(конєц) зам