V našom kraju dobri...

Malyj Lipnyk, selo malenke, ale o to šumniše, bylo už v davnoj minulosty perlom rusinskoho folkloru. Selo si obľubil i vyznačnyj rusinskyj dijateľ Julius Stavrovskyj Popradov, kotryj posobil v sušidnym seli Sulin. Svoje umelecke nazvisko si dal pravi podľa krasnoj rieky Poprad, kotra tvorit hranycu s Poľskou republikou. Komunisticka minulost a odnarodňovaňa poznačyli i toto selo, de ša väčšyna ľudy v minulosty hlasila ku rusinskoj narodnosty (napr. v roku 1938 to bylo vecik jak 91%) . Dakeľo vydarenych akcijoch pid hlavičkom organizaciji molody.Rusyny začynat vertaty kulturu do regionu. Cieľom nej e presvidčaty, bo taky veci si každyj musit usvidomity sam. Cieľom je oslovity a poukazaty na dedičstvo, kotre treba dalej pestovaty.
 
Pravi zato, ša 27. 12. 2009 v Malym Lipnyku uskutočnylo podujaťa s nazvom V našom kraju dobri – Ej, Popradska dolina, jake bylo pidporene MK SR a organizovane molodyma.Rusynami. Po troch rusinskych novoročnych stritnuťach, rusinskoj vatri, Špivoch moho rodu - tak prišla ďalša akcija do dovho nerušanoho regionu. V sali s kapacitom 150 ľudy ša pomestylo cez 200 kultury chtivych divakoch. Po uvodnym slovi Mikolaja Konevala, vystupil predseda m.R Ing. Peter Štefaňák – rodak z Maloho Lipnyka, i prihvaril ša ku svojim ridňim. Nasledovala perša časť kulturnoho programu pripravena diťami zo školy. Dity, kotry už z rodyčami rozpravjajut po slovensky, nacvičyli calyj program po rusinsky, a to v duchu tradiciji, folkloru, taňca, špivu. Burlivyj potlesk ocinil dity i učiteľoch, kotry ša jim venovali. V druhoj časty programu ša predstavilo spevacke duo Karaš-Sivuľková, Andrea Skoľáková, FS Barvinok z Kamjunky i Natalia Sikorjakova z Litmanovoj. Po posledňoj spoločnoj špivanki byli všytky pozvany na vystavku – Jak žyli moji stary rodiče i na vystavu obrazoch rusinskyh dijateľoch. Potym bylo ponukane občerstviňa, špivalo ša, tancovalo ša. Malyj Lipnyk po dovhoj dobi zas ožyl a napovnyla ša idea projektu – molody ľude ša začali zajimaty vecik o jich minulost i o rusinskyj folklor.

-pš-