Vandalski čin u Grekokatolickej cerkvi

 

Напади на руски обєкти ше муши зопрец

З нагоди вандалского чину у Грекокатолїцкей церкви у Сримскей Митровици, вчера писмо-сообщенє явносци и членови Националного совиту Руснацох и координаторови його Подручней канцелариї у Сримскей Митровици Мирославови Бесерменьови, оглашела и Руска матка (РМ), односно єй  предсидатель Дюра Папауга.

- Осудзуєме у подполносци вандалски напад на будинок и обєкти парохиялней Церкви Вознесеня Господнього у Сримскей Митровици, хтори ше збул вноци медзи соботу и нєдзелю, з 19. на 20. новембера, а хтори нє перши и кед ше нє пребере и нє пороби нїч, вироятнє и нє остатнї.

- У каждим поглядзе осудзуєме и шицки други напади на обєкти и будинки у власносци припаднїкох рускей националней заєднїци на подручу Сримскей Митровици, як и описани напади на саму рускосц.

- Руснаци и у Сримскей Митровици, як и у цалей Автономней Покраїни Войводини и Републики Сербиї, ровноправни гражданє нашей жими, з правом на пестованє и очуванє свойого власного идентитету, окреме у обласцох образованя, култури, информованя и службеного хаснованя руского язика и писма, до хторих рамикох припада и право на пестованє Християнства и духовнех обласци у цалосци.

- У подполносци потримаме вашо закладаня же би компетентни орґани у найкратшим наступним чаше пренашли и карали виновнїкох, як и вашо активносци на очуваню и розвою руского/русинского руху и у Сримскей Митровици и ширше на наступних зашеданьох Националного совиту Руснацох у Републики Сербиї - поведзене у писму предсидателя РМ Дюру Папуґу.

(конєц) зам