VEČUR RUSYŇSKYCH HOLOSIV PO DRUHYJ RAZ

 
14. novembra 2011 o 18.30h sja odbude v prostorach Ruskoho centra vedy a kultury (RCVK) na ulici Fraňa Kráľa 2 u Braťislavi už po druhyj raz akcija s nazvom Večur rusyňskych holosiv, kotra svojim zamiraňom mať za cil poukazaty na krasu a roznorodost forem rusyňskoho muzyčnoho majsterňistva. Svity troch muzičnych žanriv (ľudovyj, popularnyj a važnyj) stričajut sja jeden večur na jednim misťi, žeby spoločňi vytvorily duže interesantnu mozaiku meloďiji, rytmu i spivanoho slova opuncuvanu originalnym rusyňskym koloritom.
 

Akciju organizačňi zabezpečujet občanske združiňa molody.Rusyny z finančnov podporov Urjadu vlady SR v ramci grantovoho programu na podporu i rozvoj narodnostnych menšyn.Obsahovym napovňiňm prypravovanoho podujaťa je besida z vyznamnyma predstaviteľami rusyňskoj i nerusyňskoj narodnosty, kotry rusyňsku muzyku samy tvorjať i interpretujuť, abo tvorjaťa interpretujuť hudobnyj žaner, kotryj ne je sam o sobi rusyňskyj, ale rusyňskyj punc je mu dodavanyj v takoj podobi, že ho tvorjať a interpretujut ľjude, kotry prinaležať i hordo sja holosjať ku rusyňskoj narodnosti abo suť jej velykymi obdivovateľami i sympatizantami.

 

Besida bude spojena z prezentacijov hudobnych ukažok prjamo pozvanyma hosťami, z kotrych za ľudovu muzyku predstavjať sja spivačky Simona Morozova a Dominika Pročkova, laureatky festivalu rusyňskoj špivanky Spivy moho rodu, za popularnu muzyku znamij slovenskij jazz-rockovyj gitarista Miloš Železňak, člen početnych legendarnych slovenskych rockovych i jazzovych formacyji (Keby – tedy, Cassovia Jazz Quartet , Acoustic Jazz Trio, No More Jazz atď.) a tyž i komponysta experimentalnoho albumu z rusyňskov tematikov Rusnacke/Ruthenian, v kotrym vytvoril duže interesantnu symbiozu rusyňskoho folkloru z elementami jazzovoj a alternativnoj muzyky. I nakonec važnu muzyku bude reprezentovaty Miroslav Starjak, medijami označovanij jak "zemplyňskyj Paganini", kotryj sja predstavyť z hudobnym telesom Symphonic News Quartet, kotroho je zakladateľom a mimo kotroho posobyť dalej i jak člen orcherstra Vienna Mozart Philharmony, orchestra Jungen Philharmonie Wien i jak solista Komornoho orchestra VŠMU u Bratislavi.

 

Akcija sa bude nesty pod svižnov moderatorskov taktovkov Vladimira Čemu. Po ukončiňu oficialnoho programu i vystupiňu učinkujučich umelciv je pre všytkych učastnykiv pripravene občerstviňa i možnosť neformalňi pobišiudvaty sja z hosťami a zarivno soj zašpivaty rusyňsky spivanky v suprovoďi  harmoniky.
 

Pro rusyňsku kulturu je velykym darom, kid iši furt existujut ľjude, kotry svij voľnyj čas z nadšiňom a neskonajuščim interesom venujuť tvorbi i prezentacyji rusyňskoj muzyky v roznorodych formach a tym prykladajut svoju riku ku zachovaňu i rozvoju kultury pro dalšy generacyji.

 

Andrij Zeher