Vŷhološiňa čestnoho predsedŷ SKR odnosno situaciji na Ukrajini 

Prynosyme vam vŷhološiňa profesora Pavla Roberta Magočija, čestnoho predsedŷ Svitovoho kongresu Rusyniv, odnosno situaciji na Ukrajini.

Ukrajina ne je Rosija. Karpaťskŷ Rusynŷ ne suť Rosijanamy

Brutalna vojna Rosiji proty Ukrajinŷ maje mnoho podob i mnoho frontiv, vojeňskŷch i nevojeňskŷch. Jednŷm z tŷch nevojeňskŷch frontiv je Rosijska pravoslavna cer’kov i jij dityna – Ukrajiňska pravoslavna cer’kov pid Moskovskŷm patriarchatom.

Des’atkŷ rokiv Ukrajiňska pravoslavna cer’kov pidpor’adkovana Moskovskomu patriarchatu iz centrom v Kyjevi propagovala poserednyctvom svojich publikacij i robotŷ mnohŷch svojich svjaščenykiv ideju, že Ukrajinci suť haluzov jednoho rosijskoho (rus’skoho) naroda, i že Ukrajina mala bŷ zistaty v geopolitičnij sferi Rosiji.

V ramkach svojoj boroťbŷ na nevojeňskim fronti ukrajiňskŷ ur’adŷ opravdano znepokojovaly s’a hanebnov dijateľnosťov Moskovskoj patriarchalnoj cer’kvy v ramkach svojich hranic’.

Mŷ sohlasnŷ s’me z „peršŷm medži rivnŷma“ v pravoslavnim sviti, ekumeničnŷm patriarchom Konstantinopoľa – Varfolomijom, kotrŷj nedavno vŷholosyv, že Pravoslavna cer’kov u Rosiji i na Ukrajini – pid moskovskŷm patriarchom Kirilom, „vpala do herezŷ“, i stala inštrumentom pidporŷ zahraničnoj politikŷ Rosiji, peredovšŷtkŷm pidporŷ prochoďačoj vojnŷ proty Ukrajinŷ i jij narodiv.

No ne s’me nyjak sohlasnŷ z nedavnŷma vŷhološiňamy Službŷ bezpekŷ Ukrajinŷ po rozslidžujučich aktivnosťach odnosno Ukrajiňskoj pravoslavnoj cer’kvy Moskovskoho patriarchatu v Zakarpaťskij oblasty.

Medži materialamy, kotrŷ s’a našly v prostorach najvekšoj v regioni parochiji, Pravoslavnoho Kresto-Vozdvyžeňskoho soboru v Užhorodi, bŷv i karpatorusyňskŷj flag a „pasport“ takzvanoj Republikŷ Pidkarpaťska Rus’. Totŷ „najdženŷ predmetŷ“ bŷly opysanŷ jak znakŷ prorosijskoj separatističnoj aktivnosty v najzapadnišim regioni Ukrajinŷ.

Po perše, ne isnovala i ne isnuje žadna „Republika Pidkarpaťska Rus’“. Po druhe, karpaťskŷ Rusynŷ (avtochtonne vŷchodoslavjaňske naseliňa Zakarpaťskoj oblasty) suť zakonoposlušnŷma hraždanamy Ukrajinŷ, i suť lojalnŷ odnosno svojoj krajinŷ v jij sučasnij boroťbi o perežŷťa proty spoločnoho nepryjateľa – Putinovoj Rosiji.

Karpatorusyňskŷ simbolŷ, vkľučno červeno-bilo-syňoho flagu z erbom, kotromu dominuje stojačij medviď, v žadnim prypadi ne suť projavom političnoho separazitmu. Erb je z roku 1920; bŷv to oficialnŷj simbol regionu v medživojnovim periodi pid čechoslovac’kŷma vlasťamy; a od 1991-ho roku služŷť jak oficialnŷj regionalnŷj simbol ukrajiňskoj Zakarpaťskoj oblasty. Červena, bila i syňa farba karpatorusyňskoho flagu je podobna do deržavnŷch flagiv dakiľko dalšŷch malŷch slavjaňskŷch narodiv v serednij Evropi: Čes’koj republikŷ, Slovakiji, Sloveniji i Chorvatiji. Flag i erb suť tak samo oficialnŷma simbolamy Svitovoho kongresu Rusyniv, oficialnoj juridičnoj organizaciji, jaku tvor’ať perevažno krajinŷ Evropskoj uniji, i kotra je registrovana v Slovac’kij republici.

Ukrajina i dalše musyť bŷty pidtrymovana v boroťbi proty všŷtkŷch nepryjateliv v jij hranic’ach i za jij hranic’amy, ale ne na škodu nespravedlyvŷch obvyniň proty karpaťskŷch Rusyniv. Ukrajiňskŷj i karpatorusyňskŷj simbol bŷly v bŷvšim Soviťskim sojuzi zakazanŷ. Dnes’ suť syňo-žovtŷj flag Ukrajinciv, i červeno-bilo-synij flag (z medveďom) karpaťskŷch Rusyniv simbolamy dvoch narodiv, kotrŷ, v solidarnosty iz všŷtkŷma hraždanamy Ukrajinŷ, mus’ať peremoči v boroťbi o zabezpečiňa miru v Evropi, i vekšu stabilitu na cilim sviti.

Akademik Pavel Robert Magočij,
čestnŷj predseda Svitovoho kongresu Rusyniv

*******

Ukraine is not Russia. Carpatho-Rusyns are not Russians

Russia’s brutal war against Ukraine takes many forms and has many fronts, both military and non-military. One of those non-military fronts is the Russian Orthodox Church and its surrogate, the Ukrainian Orthodox Church under the Moscow Patriarchate. For decades Moscow’s Patriarchal Ukrainian Orthodox Church based in Kyiv has promoted through its publications and the work of many of its priests the idea that Ukrainians are a branch of one Russian people, and that Ukraine should remain within the geopolitical sphere of Russia. As part of its struggle on the non-military front, Ukraine’s authorities have rightly been concerned with the nefarious activity of the Moscow Patriarchal Church within its borders.

We agree with the “first among equals” in the Orthodox world, the Ecumenical Patriarch of Constantinople, Bartholomew, who recently stated that the Orthodox Church in Russia and Ukraine under its Patriarch of Moscow, Kiril, has “fallen into heresy” and has become a tool promoting Russia’s foreign policy, in particular its on-going war against Ukraine and its peoples.

We do not agree, however, with recent statements of Ukraine’s security services following investigative activity against the Ukrainian Orthodox Church—Moscow Patriarchate in Transcarpathia. Among materials found in the offices of the region’s largest parish, the Orthodox Cathedral of the Saviour in Uzhhorod, were a Carpatho-Rusyn flag and “passport” of the so-called republic of Subcarpathian Rus’. These “finds” were described as indications of pro-Russian separatist activity in Ukraine’s far western region.

First of all, no “republic of Subcarpathian Rus’” has existed or does exist. Secondly, Carpatho-Rusyns (the indigenous East Slavic inhabitants of Transcarpathia) are law-abiding citizens of Ukraine and loyal to their country in its current struggle for survival against the common enemy, Putin’s Russia.

Carpatho-Rusyn symbols, including its red, white, and blue flag with coat-of-arms dominated by an image of a standing bear, are in no way an indication of political separatism. The coat-of-arms dates back to 1920; it was the official symbol of the region under interwar Czechoslovak rule; and since 1991 it serves as the official regional symbol of Ukraine’s Transcarpathian oblast. The red-white-blue colors of the Carpatho-Rusyn flag are similar to the state flags of several other small Slavic peoples in central Europe: the Czech Republic, Slovakia, Slovenia, and Croatia. The flag and coat-of-arms are also the official symbols of the World Congress of Rusyns, a legal organization made up mostly of countries in the European Union and based in the Slovak Republic.

Ukraine must continue to be supported in its struggle against all enemies within and beyond its borders, but not at the expense of unjust accusations against Carpatho-Rusyns. Both Ukrainian and Carpatho-Rusyn national symbols were banned in the former Soviet Union. Today, the blue and yellow flag of Ukrainians and the red, white, and blue flag (with bear) of Carpatho-Rusyns are the symbols of two peoples who, in solidarity with all citizens of Ukraine, are sure to be victorious in the struggle to secure peace in Europe and greater stability throughout the world.

Academician Paul Robert Magocsi
Honorary Chairman, World Congress of Rusyns

Žridlo:
https://www.lem.fm/vyholoshinya-chestnoho-predsedy-skr-odnosno-situatsiyi-na-ukrayini-rue-en/