Viberanki do nacionalňoho sovitu

 

Прелиминарни резултати
Спрам прелиминарних, нєурядових резултатох, виходносц на директни виберанки отримани внєдзелю, 6. юния, за Руснацох за тераз виноши 56,04 одсто, обявене вчера вечар на сайту Министерства за людски и меншински права.

Спрам того жридла, за шицки 16 национални совити националних меншинох у Сербиї, виходносц за тераз виноши 54,47 одсто гласачох-припаднїкох меншинох уписаних до ОВС.
 

Спомедзи шейсц лїстинох за вибор Националного совиту Руснацох, найвецей гласи на нєдзельових виберанкох достала лїстина „Вєдно за Руснацох" ношителя Савка Раца - 35,99 одсто - гваря вчерайши прелиминарни резултати обявени на сайту спомнутого Министерства.
На другим месце лїстина „Руска лиґа-Олена Папуґа", ношительки Олени Папуґовей, зоз 25,54 одсто достатих гласох.
На трецим месце по числу достатих гласох лїстина „Руска матка", ношителя Дюру Папуґу, зоз 11,26 одсто гласох.
Штварта по числу достатих гласох „Сримска лїстина" зоз 10,10 одсто гласох.
 

На пиятим месце лїстина „За народ свой" Рускей демократскей странки, ношителя Мирослава Бесерменя, зоз 9,48 одсто достатих гласох.
На шестим месце лїстина „Руска младеж", ношителя Сашу Палєнкаша, зоз 7,64 одсто достатих гласох.

Як наявене, конєчни резлтати директних виберанкох за шицки 16 национални совити националних меншинох у Сербиї, буду сообщени на ютре, 9. юния.
После сообщованя резултатох, министер за людски и меншински права звола конститутивни схадзки нових националних совитох националних меншинох, а вони би мали буц конституовани по 29. юний.
Нєдзелю, 6. юния, отримани електорски скупштини за вибор националних совитох горватскей, македонскей и словенацкей националней меншини.
 

(конєц) зам