Viberanki za nacionalni sovity najskorej na jar 2010. roku

Нєт ище єденй жеми зоз тельо припознатих меншинох и зоз тельо припознатих правох у Уставу и Закона, як цо то Сербия, гварела Анико Мушкиня Хайнрих. державна секретарка у Министерстве за людски и меншински права у интервюю котри дала новином "Руске слово" а знагоди уводзеня Закона о националних совитох до скупштинскей процедури.

Вона гварела же ше знагоди дефинованя меншинских правох Сербия нє мала на кого спатриц, окрем на дотерашнє искуство дакедишнєй СФРЮ, СРЮ и на свойо терашнє искуство.

-Векшина правох котри гарантовани меншином у Сербиї уж функционує у пракси , а нови Закон о националних совитох то тераз потвердзує.Тото цо нове у тим Закону то часц котра ше одноши на способ вибераня членох националних совитох , гварела Анико Мушкиня Хайнрих.

Нови Закон о националних предвидзує два способи виберанкох за национални совити. Нєпоштредни и поштредни.По думаню державней секретарки даяки векши вименки Закон у Скупштини нє будзе, а нови виберанки за национални совити мож очековац найскорей на яр 2010. року.

єп