Višol novi "Hlas Rusina"

Вишол нови „Глас Русина”
Прешлого тижня вишло нове, треце число медзинародного часопису „Глас Русина”, хтори од прешлого року видава Шветови конґрес Руснацох/Русинох/Лемкох (ШК РРЛ).
Новце число з векшей часци пошвецене живоце и роботи Русинох у Ческей Републики и у Русийскей федерациї, односно у Москви, а читаче дознаю и дзепоєдни историйни факти о Русинох, як „штвартим восточнославянским народзе”.

Нови „Глас Русина” приноши и ексклузивни интервю з премиєрку Словацкей Републики Ивету Радичову, список шицких терашнїх орґанизацийох-членїцох ШК РРЛ, та о дзепоєдних збуваньох у жемох дзе жию Руснаци, дзе зоз Сербиї о роботи Рускей матки, означованю нашого Националного швета, та о вистави Ендия Варголи у Зомборе.

Вочи Трецей схадзки Шветовей ради РРЛ (ШР), хтора початком марца будзе отримана у Деви, у Румуниї, предсидатель ШР Дюра Папуґа у „Гласу Русинох” толкує основни цилї и задатки будуцей Асоцияциї русинких подобових творительох, як и дзепоєдни други акциї хтори Рада поруша на своєй наступней схадзки.

У часопису обявени и Конкурс за Награду Александра Духновича за литературу на РРЛ язику, а нове число „Гласу Русина” заинтересовани у електронскей форми можу почитац на сайту Рутенпресу и веб-сайту ШК РРЛ  www.rusynworldcongress.org .

зам