Vistava zos Slovackej u Serbiji i Horvatskej

Вистава зоз Словацкей у Сербиї и Горватскей
У Сербиї и Горватскей о тидзень будзе госцовац тогорочна позната и наградзована вистава фотоґрафийох з назву "Зузанка - Помож Боже рано стануц”, у орґанизациї Здруженя интелиґенциї Русинох Словацкей з Братислави.

Идуцого тижня, од 22. октобра по 4. новембер, вистава Руснацох зоз Словацкей будзе виложена у Новим Садзе, у Ґалериї Фото-кино союзу Войводини. Авторка фотоґрафийох Д. Каплальова.

Ютредзень, 5. новембра, вистава ше селї до Горватскей, до Вуковару, дзе по 20. новембер будзе поставена у грекокатолїцкей церкви св. Криста краля.

Пред отвераньом вистави, и у Новим Садзе и у Вуковаре, Здруженє интелиґенциї Русинох Словацкей орґанизує приказованє прешлорочного побиднїцкого документарного филму на Медзинародним фестивалє у Карлових Варох - “Осадне”, режисера Марка Шкопа, котри бешедує о Руснацох у Словацкей.

У филму представени край и людзе валалу на гранїци медзи Словацку и Польску, одкаль походзи и авторка фотоґрафийох, панї Каплальова и главна особа на тих фотоґрафийох, єй мац Зузанка.После госцованя у Сербиї и Горватскей, иста вистава и програма, од 8. децембра будзе виложена у Ческей.

(конєц) зам