Vyhološiňa 15.ričnyka cilosloveňskoho konkurzu DUCHNOVIČIV PRJAŠIV 2014

Выголошіня 15. річника цілословеньского конкурзу ДУХНОВІЧІВ ПРЯШІВ 2014

Русиньска оброда на Словеньску (РОС) – выголошує  юбілейный 15.  річник цілословеньского конкурзу в декламації русиньской поезії, прозы, властной творчости, малых сценічных форм і людового росповіданя - ДУХНОВІЧІВ ПРЯШІВ 2014. Русиньскый конкурз ся одбуде 16-го юна 2014 в Театрі Александра Духновіча в Пряшові (о 9.00 г). В конкурзі можуть брати участь діти матерьскых і основных школ, штуденты середніх і высокых школ а так само дорослы - вшыткы декламаторы, котры на окресных, школьскых ці іншых поступовых  змаганях досягли 1. місця.

КАТЕҐОРІЇ  ДП 2014
0 – діти МШ і школярі 1. класы ОШ
1 – школярі 2. - 3. класы ОШ
2 – школярі 4. – 6. класы ОШ
3 – школярі 7. – 9. класы ОШ
4 – штуденты середніх і высокых школ
5 – дорослы

ЖАНРЫ ДП 2014
Вшыткы жанры будуть мати свої катеґорії од 0 до 5. На юбілейнім 15. ДП 2014 бы мали звучати русиньскы творы – поезія (од русиньскых авторів або  переклады іншых авторів до русиньского языка), а так само проза, властна творчість,  малы сценічны формы (театралны гры, сценкы) і людове росповіданя (гуморны пригоды, фіґлі).
 

ОЦІНІНЯ УЧАСТНИКІВ ДП 2014
Каждый участник 15. ДП 2014 дістане Юбілейный діплом з подобов будителя Александра Духновіча і приналежну ціну. Вітязі окремых катеґорій і жанрів будуть оціньованы одборнов поротов, т. зн. 1-2-3-ім місцьом. Завершіньом оціньованя вітязів буде выголошеный Лавреат юбілейного 15. ДП 2014.  
Вытраты на дорогу платить главный орґанізатор конкурзу, значіть РОС, котрый в день конкурзу забезпечіть кост про декламаторів і педаґоґічный допровод.

********
Приглашка на 15. ДУХНОВІЧІВ ПРЯШІВ 2014
Мено і призвіско участника:
Дата і місце народжіня:
Школа (назва і де ся находить): 
Класа: 
Катеґорія:
Домашня адреса:
Назва твору:
Автор:
жанер:
Мено і призвіско (пед. допроводу): .
Тел . контакт:

*******
Приглашку до конкурзу пошлите найнескорше до 6-го юна 2014 р. на адресу:
Anna Kuzmiaková
Prostějovská 99
080 01 Prešov
abo e-mailom na adresu:  kuzmiakovaanna@gmail.com

*******
Ґарант проєкту: Мґр. Анна Кузмякова,
інформації  на моб. ч.: 0902 302 746  або kuzmiakovaanna@gmail.com

Акція ся реалізує з підпоров Уряду влады СР – проґрам Култура народностных меншын 2014
Podujatie sa realizuje s podporou Úradu vlády SR – program Kultúra národnostných menšín 2014