Vytvorjovanje pravoch nacionaľnych menšinoch

Предсидатель Националного совиту Руснацох у Сербиї Славко Орос, всоботу, 28. новембра, присуствовал на Конференциї о применьованю Рамиковей конвенциї за охрану националних меншинох у Сербиї.

З тей нагоди винєшени резултати мониторинґу витворйованя Рамиковей конвенциї за охрану националних меншинох и Европскей повелї о реґионалних, лєбо меншинских язикох Совиту Европи, як и становиска вязани за образованє меншинох и їх дїлотворну учасц у явним живоце.

Примєньованє тих конвенцийох надпатра Совит Европи и дава препоруки за преберанє конкретних мирох за злєпшованє политичного, правного и практичного положеня националних меншинох.

Викладаня и анализи з Конференциї буду состойна часц Декларациї хтора будзе послата державним орґаном, институцийом, националним и медзинародним нєвладовим орґанизацийом.

У сотруднїцтве зоз специялним представительом Ґенералного секретара Совиту Европи у Сербиї, амбасадором Константином Єрокостопулосом, Конференцию у Новим Садзе орґанизовал Фонд за отворене дружтво Беоґрад, новосадски Войводянски центер за людски права и Покраїнски секретарият за предписаня, управу и национални меншини АП Войводини.

 (конєц) зам