Vyzva občanskym združiňam

 

Dneska, dňa 15.12.2010 schvalila NR SR zlučiňa "Slovenskej televízie a Slovenského rozhlasu". Ja ša do toj problematiky ne vyznam, a informaciji ša ku mi dostavajuť lem z mediji. Na zakladi toho, mam jak rusyn (abo rusnak, jak ša u nas hvaryť) určity obavy, kotry mi z mojoj logiky plynuť.

STV je vo veľykim dovhu, SRo je vraj mirňi v plusi. Po zlučiňu do jednoj organizacii, tota bude pravdepodobňi v dovhu. Bude ša mušity šporuvati. A z mojoj skusenosti z minulych rokiv, najľahše ša v takim pripaďi na Sloveňsku šetryť na narodnostňim vysylaňu (okrim narodnosti maďarskoj, samozrejmi). Na zaklaďi jednoj z pripomienok prezidenta SR, ša dasť usudity, že lem ťažko očekavati zachovaňa sučasnoho stavu v narodnostňim vysylaňu. Ale jakyj bude teda novyj stav?

Rad by jem teda byl, že by ša o to začaly zaujimaty i narodnostny organizacii, kotry nas zastupujut, medži kotry patryť i Vaša organizacija. A to už teper, v tychto dňoch. Žeby ša ne zopakuvala situacija spered paru rokiv, ked ša naše vysylaňa peresunulo do rannych hodyn, a rišity ša to začalo dost neskoro, keď už tota situacija nastala.

Zato bo si uvedomuju, že ja jak jednotlivec ne mam taku sylu, jak zastupujuca organizacija, kotra by mala mati aj svojich odbornikoch i pre totu oblasť. Takisto by jem byl rad, keby v tim spolupracuvali šytky "našy" organizaciji, a žeby v peršim rjaďi ša zastavali svojich ľudi. Až potim je podľa mene prostor si vyčitaty isty nezrovnalosty medži sobov navzajom. Spory medži našyma organizacijami na mene ne majuť takyj prjamyj dopad, jak nezvratny rozhodňuťa parlamentu a vlady v narodnostňi politiki, a zarivno rozhodnuťa v štatnych či verejnopravnych organizacijach. Pravi naopak. Tym, že budeme rozhadany, ostatny si buduť z nami moči robity što chočuť, a obrazňi povidane, "vyšmijaty ša nam do oči".

Za to Vas prošu a vyzyvam, že by ste trymaly spolu, a zastavali ša nas, obyčajnych ľudi. Že by ste ša postavili čelom ku prypadnym problemom, kotry možuť prity, a dokazaly ich rišity načas. Jem peresvidčenyj, že keď budete trimaty dovjedna, skorej dosjahneme pre nas prijateľny podmienky, minimalňi v zachovaňu sučasnoho stavu.

 

Ja Vam želam veľo uspechiv  v tim smeri,  i inšych aktivitach, kotry pre nas a našych ľudi vyvijate a ďakuju Vam za to, že nas zastupujete.
 

Z pozdravom
Ľubomír Fedorko