Z ľudovej slovesnosti. Krajina bez ohňa

Žyl v jedni krajini bohatyj kraľ a mal všytkoho po ucha, lem oheň ne mal. Dal vyholositi do svita, že chto jomu prinese oheň, že toho bohato odminit. Peršyj, chto šja priholosil prinesti z pekla kraľovi ohňa byl to pavuk. Vin hlyboko spustil šja po svoji sitci do pekla i vysoko vynis pekeľnyj oheň, že ho peredast kraľovi. Ale jak pavuk vyšol vysoko na verch sitky, byl zmučenyj i tam zaspal. Priletila tam na toto misce, de pavuk spal kolo ohňa mucha, sila sobi i vkrala pavukovi oheň. Jak vkrala ponesla ho kraľovi, kotryj muchu odminil za oheň. Vin jej odminil tak, že dal ji slobodu, že može sobi litati kadi choče i de choče može sobi sisti...

Tak krajina zasluhom pavuka dostala oheň, ale odminu na ližaňa i sidaňa ne pravom dostala mucha.

Zo zbierky Andreja Dulebu