Zbudesja žadaňja Rusynuv - pobuduje sja derevľjana cerkov u Marijapovčy!

Побудована у сятому місті паломничества русинув церков буде помогати формованю національного самосознанія наших дітей. Маріяповч є майзнамым містом отпустув діла русинув, живущих на територіи исторчеськоі Мадярщины и діла русинув Подкарпатя, котроє стало частью совецької имперії.

Совецькі власти привели до уничтожения греко-католичеську церков и способствовали офіціалному уничтожению русинської націоналности на Подкарпатю. Завто діла русинув є такым важным ділом побудованя деревляної греко-католичеської церкви на сьому историчеському місті паломничества. Хочеме информоваати нашу молодеж, ош греко-католичеська віра и сам дух Маріяповчи є цінностью, котра обогащає нашоє житя и житя не лем русинув Мадярщины и Подкарпатя, а и ушыткых живущих у світі русинув.

Збудована у сьому сятому місті церков буде способствовати формованю идентитета наших діточок, бо є жерелом древнього старославянського языка, котрый хоснуєся у Божественнуй Літургії. Мы хотіли бы также отдати честь памняти наших великих предкув, бо наші ВРМС ORKÖ епископы, священники независимо вуд того, де они находилися, усе, а особенно у тяжкі часы, были защитниками прав народа. Їх тяжка служба, тверда віра и позиція, їх священномученичество у ушыткі часы може служити многым поколіням приміром, указателем пути, по котрому треба ити далше.

Мы уже булше раз сообщали у „Русинському Світі” про наші планы, про возможности їх осуществленія. Бо жаданя побудовати церков на историчеському місті усе входило у наші головні планы и было єднов из головных цілей. Мы увірені, ош „треба ити путём віры, кидь нація хоче жити”, и діла сього просиме силы вуд Господа Бога и помощи Его Преосвященства епископа. По сьому поводу мы даєме два интервью, котрі свідітельствувуть про наші цілі, возможность їх осуществленія. Первоє интервью из „строителём церкви”, паном Міклошом Сунаї подаєме у сьому номері, а у слідующому номері познакомиме честованых читателюв из бесідов из Его преосвященством, епископом Фюлёпом Кочишом. Читайте из віров и надеждов!

Редакція