"Zuzanka" z Nového Sadu do Vukovaru

После Нового Саду, "Зузанка" у Вуковаре

После двотижньовей вистави у Фото- кино и видео союзу Войводини у Новим Садзе, фотоґрафиї Даниєли Капральовей, уметнїци з Гуменого, у Републики Совацкей, "одпутовали" до Вуковару. Пияток, 5. новембра, виставу „Зузанка", у просторийох Церкви Христа Цара, отворел начальнїк оддїлу за дружтвени дїялносци городу Вуковару Вєкослав Караула. Коло 50 присутни перше одпатрели филм "Осадне" Марка Шкопа, хтори подоставал велї медзинародни награди.

На отвераню вистави були присутни представителє найвисших руских институцийох у Горватскей, жителє Виковару, Петровцох, Миклошевцох, а орґанизаторе вистави Рада рускей националней меншини Вуковарско-сримскей жупаниї и КУД "Осиф Костелник" з Вуковару, та Министерство култури Републики Словацкей и Здруженє русинскей интелиґенциї Словацкей. Вистава у Вуковаре тирва три тижнї.

(конєц) олп