Zvidali sme sja Anny Kuzmiakovoj...

...editorky pozdraviv pro jubilantiv – relacija Muzyčny pozdravy v RTVS – narodnostne vysylaňa v Košycjach.

Dakoly je vysše 30, dakoly menše. V seredňomu by sja dalo povisty, že na tyždeň to vychodyť kolo 20 pysem. Rusyňskych pysem je vse vece.

 

Na peršyj pohľad to vyzerať logična požadavka. Lemže tu je takyj problem, že ne furt sja pozdravy vysylajuť jak solo. Dumam na to, že pro velyku kiľkosť pysem, dakoly sja spojať dokopy i 3 pozdravy a ku nym jedna spivanka, bo napr. až troje choťať totu istu spivanku (A čija to chyža, abo Oj zabava i t.d.). Realita je taka, že odzvučať 2 rusyňsky a jeden ukrajiňskyj text. Rišyty tot problem ne je v mojij kompetenciji. Nad tym by sja maly zadumaty zodpovidny osoby v rozhlasi.

Ľude pyšuť trojakym sposobom: najvece po sloveňsky, ale žadajuť pereložyty pysma do rusynčiny, dalšy pyšuť po rusyňsky latinikov a najmeneše, to je starša generacija – pyše azbukov. Dvojgrafična forma pysaňa po rusyňsky sja už stala realitov. Vy u svojich eletronyckych novynkach Rusyn Forum pyšete latinikov, Obščestvo sv. Joana Krestyteľa vydavať raz za kvartal časopys Artos a od 2006 roku i Grekokatolyckyj rusyňskyj kalendar tyž latinikov. V latinici vychoďať molytvenyky i t. d. Što sliduju elektorničnu komunikaciju Rusyniv, tota je tyž lem v latinici. Znam, že moloda generacija azbuku ne znať, any jakos ne tužyť sja jej naučity. A mi je z toho smutno, bo naša krasna azbuka, kotra je osnovnym identifikatorom nas Rusyniv, sja vytračať. A ja mam z toho takyj dojem, jak keby sja z ňou tratyly i Rusyny. Može by ne bylo na škodu podumaty i vo Vašych novynkach nad naučnov rubrikov azbuky, bo jazykova komisija, kotra byla už pered paru rokamy vytvorena pry Inštituti rusyňskoho jazyka i kultury pry PU sja jakos ne činyť.