Žvidali zme sja Jana Holodňaka, primatora Svidnyka...

Ja jem ša furt hordo priholosyl ku Rusynom a dumam, že za ten korotkyj čas vo funkcyji primatora, zme zrobili bars veľo roboty na chosen Rusynom a osobňi sja tomu bars ťišu. Svoji postoji jem prezentuval i na zastupiteľstvi u Svidnyku . Problem je komplikuvaňišyj  a dumam soj, že mistske zastupiteľstvo pryjalo rišiňa,  kotre je v tim časi a u ti situacyji, pry povňim rešpektuvaňu prav všytkych zainteresuvanych stran, toto najlipše. Mistsky poslanci proponuvali svojim zastupcim, žeby peresadžuvali v organizačňim vybori zmenu nazvu festivalu - na Slávnosti kultúry Rusyniv a Ukrajinciv. Misto v aktualňi ekonomičňi situacyji ne bylo sohlasne stati sja holovnym organizatorom  festivalu z jedynoj pryčiny a to z toj, že ne suť piňazi. Toho roku zme festival dotuvali piv milionom korun a kid ne bude pidpora z boku štatu, tak perefinansuvaňa takoj sumy je problemom pro naš napnutyj rozpočet.