Žvidaly zme sja Miloša Strončeka,...
predsedu Okresnoj organizacyji Rusyňskoj obrody vo Svidnyku, holovnoho organizatora 1. Rusyňskoho festivalu vo Svidnyku...
Pan Stronček, v peršim rjaďi velyka gratulacyja ku rozhodnuťu Rusyňiv zorganizuvaty Rusyňskyj festival abo lipše povidženo Tyždeň rusyňskoj kultury vo Svidnyku. Chočeme sja zvidaty za našych čitateliv, prošu povičte nam, 30 dňi pered otvoriňom festivalu, možeme sja ťišyty na akuratnyj, pravyj festival rusyňskoj kultury?
Pozdravuju všytkych ľudy, kotry dovho bažyly po masovim a slobodňim rusyňskim vyjadriňu. Čas sja pryblyžyl, my zme prypraveny a ponukame všytkym naše najlipše - rusyňske od 20.maja do 26.maja vo Svidnyku. Všytky informacyji o programi najdete na storinkach www.rusinskyfestival.sk . Ťišyme sja na vas, radi vas pryvytame miži nami a ďakujeme za podporu, kotru čujeme už od zrodu dumky zrealizuvaty toto velyke podujaťa.
Važna vec je, že ku organizuvaňu festivalu sja pryholosylo misto Svidnyk...
Je to pravda. Velyka pomič je zo strany mista jak spoluorganizatora, ale aj z Poddukľanskoho osvetovoho streďiska a treba spomjanuty, že je tu aj daľša pomič a tov je Urjad vlady SR - z dotačnym programom Kultura narodnostnych menšyn 2013.
Na zasidaňi Okruhloho stola Rusyňiv Slovenska (OSRS) v Prešovi sja vam dostalo podpory, čuly ste paru bars pozitivnych slov na svoju adresu, dokinca dalše zasidaňa OSRS sja ukutočnyť v ramkach festivalu vo Svidnyku...
Okruhlyj stil Rusyňiv Slovenska a Rusyňskyj festival patrjať ku sobi. A zato podpora je vzajomna, budeme ju čuty počas caloho tyždňa rusyňskoj kultury. Do orgaňizuvaňa festivalu ideme z velykov pokorov, rešpektom, ale mušu spomjanuty Milana Mňahončaka, generalnoho sponzora festivalu, kotryj davať nam Rusynom pevnu zemľu pid nohamy, na kotri vyrosnul novyj, ale dovho očekavanyj, chočenyj, naš rusyňskyj festival - Festval kultury Rusyňiv Sloveňska.
Ďakuju za rozhovor a vydyme sja u Svidnyku.
-lj-
Aktuality
Zobraziť všetky
Dve percentá, jeden spoločný cieľ
Archív: Rodák z Podkarpatskej Rusi Mikuláš Popovič získal ocenenie Česká hlava
Rozhovor: Pešiak, ktorý objavil HIV
Vladyka Milan Lach SJ bol vymenovaný za eparchiálneho biskupa Bratislavskej eparchie
Pozvánka na premiéru: Predavač dažďa / Продавач доджу
Lemkovia vytvárajú „Hołos“. O kultúre, ktorá nezanikla
Naše obce
Zobraziť galérie
Ujko Vasyľ
Seksuologicka prednaška.
-Podľa vonkajšych znakoch čolovika možeme opriďilyty, jak sja často zanymajuť seksom. Toty što seks praktizujuť každyj deň – vyzerajuť spokijny, povny energiji, radosty…
-Suť tu taky? Vstaňte prošu! Vstane paru ľudi, kotry odpovidajuť vyriknuťi tezi.
-Toty što sja zaoberajuť seksom 5-10 raz do misjaca, to taky normalny, obyčajny ľude, zo svojimi každodennyma problemamy…
-Suť tu taky? Prošu vstaty!
Vstane paru ľudi – tety z taškami, paru neoholonych zachmurenych chlopiv…
-No a toty što seksujuť lem raz do roka, to taky samotari, što sja ne znajuť ťišyty zo žyvota, uťahnuty pered svitom, nevesely, vnoreny sami do sebe, do svojoho smutku, samoty…
-Suť tu taky? Prošu vstaty!
Vyskakuje molodyj nesputanych chlopyk, svityť ščasťom, ušmich od ucha k uchu, vydno mu všytkych 32 zubiv, absolutnyj protiklad vyriknutoho popysu...
-Vy?! Lem jeden raz v roku?! A čom ste takyj veselyj?
-Bo to dnyskaj, bo to dnyskaj…!
