Ujko Vasyľ...

Parobok Marči:
-Slečna, jakyj šumnyj svetryk mate...
-Prava delikatna sersť z verbľuba (ťavy)...
-Podľa dvoch horbykiv i ja tak hadal...

Ujko Vasyľ: Kiď soj Christian Ronaldo zlomyť nohu o zadňicu Jenifer Lopez, tak zaplačena poistka bude vyšša jak rozrachunok Angoly...

Ujko Vasyľ: Žyvot treba perežyty tak, žeby ich holuby perelitajuči nad tvojim pamjatnykom, terpily (ne odlehšaly soj) od rešpektu ku tobi...

Marča sja skaržyť kamaratki.
-Predstav soj, mij frajir mi na kažďim rande podaruje zivjaly (zvadnuty) kvitky...
-Ta sprobuj pryty dakoly načas..

Marčika: Moja baba ne znaly, či majuť volyty Fica abo Hrušovskoho za prezidenta. Tak jem im poradyla, naj vyznačať obidvoch...

Marča: Po desjaťdňovim zapizňiňu, i misjačiky svjato...

Paraska: Vasyľu, perestaň mi nadavyty do kurok, bo znesu jajce!

Ujko Vasyľ vojuvav v molodysty jak namornyk (morjak) u Velyki oktobrovi socialističňi revoluciji. Raz ich šyfu navšťivyl sam "vožď" -Vladimir Iljič Leňin i dal sja do bišidy z molodym Vasyľom.
- ... a u osobňim žyvoťi jak sja vam vodyť?
- Všytko v porjadku sudruhu Leňine, nedavno jem sja oženyl z Paraskov, už sja nam narodylo i ďitysko...
- A jakoho pochidžiňa je vaša žena?
- Proletarka, sudruh Leňin...
- Ta to bars dobri, u peršim šori treba proletariat *****y!

Ujko Vasyľ: Červene vyno - chosen pro naše zdravľa. A zdravľa nam (Rusnakom) treba, žeby zme mohly pyty borovičku...

Maleňko pjanyj Marčyn muž, zjať Parasky i Vasyľa, vertať sja domiv. Zvonyť na dveri. Otvorjať mu Vasyľ. Zjať zohnutov rukov znazorňuje kobru u bojovim postaviňu i sja zviduje:
- Doma?
- Obidvi...! odpovidať (na mygy) Vasyľ, vkazujuči to same, lem dvoma rukami...

Teta Paraska romantičňi:
Pryťažlyvisť chlopa ne polihať u ťim, tiko ženam pobalamutyl holovu, ale u ťim, tiko ich zmih odmitnuty pro jednu - jedynu...

Parobok Marči: Slečno jak šumni pachnete...! Borovičku ste pyly...?

Familijnyj žyvot. Paraska mala na Vasyľa micnyj vplyv. Znala ho chockoly zahnaty do kuta i u ovaľňi mistnosti...

Pyskata kamaratka škodoraďistno Paraski:
-Dajak jes potučňila cez zymu...!
-Hej, a to jem už schudla...! Kiby jes ňa viďila pered misjacom,
už jem byla, jak ty...!

Kamarat v korčmi:
-Vasyľu, ta što jes jakyskaj smutnyj, neveselyj...?
-Ale, Paraska sja doznala o moji frajirki - hotova pohroma! Zemletrasiňa, peruny, ohen sarčistyj - prosto peklo...! Už jem soj dumal, že mi je konec ...! I tu do toho všytkoho sja iši frajirka doznala o Paraski...!

Paraska po firemňi oslavi sja rano zviduje muža:
-Sluchaj Vasyľu, kiď jes sja mynule opyv, što jes rano robyv, jak ťa bolila holova?
-Nyč, što by jem robyv!? Tvoje kazaňa jem sluchav...!

Ujko Vasyľ: Rusyňske svjato "Pjatňica večur" trymať try dňi...

Ujko Vasyľ: Kiď ste viďily vorobľa, jak letyť zadkom doperedu, naisto fukať sylnyj vitor...!

-Synku, opakuju... Ja jem ťa porodyla...! Ne sťahla (ne skačala) z internetu...!

-Ujku Vasyľu, čuly ste? Rusi obsadyly Krym...!
-Hej? Lem tak bez kanonady i bombarduvaňa?!
-Tak...!
-Barbary jedny...!