Ujko Vasyľ...

Na maškarňim bali u Labirci šepoče Paraska Vasyľovi:
-Tamten muškatier ňa cilyj večur pronasleduje, što mama robyty?
-Zdojmyj soj masku...

Ujko Vasyľ: Kiď Paraska choče marodku, starčyť ji pryty ku dochtorovi bez mejkapu...!

Zo zdravotnoj karty ujka Vasyľa: Psychicki zabolityj ne je, lem prosto durak...

Ujko Vasyľ: Kiby ne vrah Dantes, ta Puškin by mal toho roku 216 rokiv...

-Vasyľu, čom tak žarlyš na Parasku?
-Našy ďity dajaky bars mudry i šumny...

Skaržyť sja svižyj ženač kamaratovi na svoju ženu Marču:
-Bral jem soj ju, dumal jem, že bude varyla, jak jej mama a ona pje, jak jej ňaňo...!

Marča pyše:
-Myle Bravo, poraď! Jak pojasnyty synkovi, že kiď jem ja v uniformi sestričky, ta joho ňaňkovi ne plano...

Povidať frajir maturantki Marčiki:
-Dnyskaj v noči budeme dovjedna robyty to, što ne je dovolene..!
-Što ty poduril, nulov ďilyty chočeš...!?

-Vasyľu, čom jes takyj smutnyj?
-Ale, poharkal jem sja z Paraskov...
-Ta na čym?
-Ale, ne zname najty zhodu na dovolenki. Predstav soj, ja choču ity do Thajska a ona dura, choče ity zo mnov...!

Ujko Vasyľ: Olimpijskyj oheň v Soči zapalyť milenka prezidenta Puťina Alina Kabajeva. A ty, rusnaku, što jes zrobyl pro svoju frajirku?

Akcija u labirski nemocňici: Porodyte dvoje - treťe prybalyme zadarmo...!

Vertať sja Vasyľ zo služobky i takoj vo dverjoch ji hvaryť:
-Mušu ti Parasko povisty - jes najlipša...!
-Vasyľku, ne jes jedynyj, od koho toto v ostatňich dňoch čuju...

Ide v Labirci Vasyľ po ulici a oproty ňomu krasavica:
-Joj, kiby moja Paraska taky nohy mala...
Perejde paru metriv a tu druha krasavica.
-Joj, kiby moja Paraska taku hruď mala...
Pa paru metroch, dalša krasota...
-Joj, kiby moja Paraska taku taliju (pas) mala...
Prychodyť Vasyľ domiv, Paraska otvorjať dveri, i vin ji hvaryť:
-Milačik, ty mi naisto ne uviryš, ale cilu drahu domiv, jem lem na tebe dumal...

-Parasko, ta to bars velykyj hrich, že tvoji Marči sja narodylo ďitysko iši do svaďby..
-Ale, je tam toho... Z kady malo, chuďa male, znaty, koly svaľba...?

-Povičte, Vasyľu, a vaš pes ňa ne zjisť?
-Ňi, ta što ste!? Lem ponadkusuje...!

-Ujku Vasyľu, jaka je dovolena najvyšša skorosť (richlosť) pry myluvaňi?
-68, bo kolo 69 sja už všytko perevertať...

Ujko Vasyľ rozdavať rozumu u korčmi: Kiď naduvanu Anču dakus vypustyte, poťim vyzerať starše...

Ujko Vasyľ: Ja jem u žyvoťi mal furt problem pryvesty soj domiv ženu, na počatku iz-za rodyčiv a teper pro Parasku...

Teta Paraska stojiť pered zerkajlom, obidvoma ruka soj tryme hruď i hvaryť:
-Tak ja pomaly chudnu a vas poprošu zostaty...

-Bosorku, upalyty!
-Ale, kiď ona je taka šumna...
-Dobri..., ale poťim upalyty!