Ujko Vasyľ...

Strjičať parobok Marču:
-To ne jes ty, što jes včera na stoľi lem v nohavičkoch tancuvala...?
-Vydno, že jes skoro odyšov...

Marčina svaďba byla tycha. U restavranťi byv bezplatnyj wifi...

Rusnacko:
49 procent neščastnych prypaďiv nastavať po slovach:
-Posmoť na mene, jak ja hoden...!
A zvyšňich 51 procent po slovach:
-Nedobri! Smoť, tak treba...!

Ujka Vasyľa do dnyšňoho dňa ne majuť u valali radi... U 1989 roci rozbyv na poľovački liter daremnoj borovičky...!

Teta Paraska:
-Učeny hvarjať, že organizmus roste lem do 25 roku žyvota... Lemže mij brich i zadňica naisto o ťim nyč ne čuly...!

-Vasyľu, jak lem možeš propyty cilu vyplatu za jeden deň?
-Ty lem prynes hrošy, ta ti vkažu...!

-Marčo, tiko jes mala seksualnych partneriv?
-Pjaťoch..., ňi osmych, iši jem soj spomjanula na jeden prypad...!

Rusnackyj svit. Pohar naľatyj do polovyny.
Pesimista: Svyňi, už všytko vypyly...!
Optimista: Iši lem buduť nalyvaty...

U jedňim mistečku na vychoďi Sloveňska umer rabin. Ostala po ňim vdova. Žyde sja zbisiduvaly, že vdovu treba vydaty, bo ku hrichu taka žena blyzko. Hledaly a i našly valušnoho chlopa. Tyž byl sam - vdovecj. Jedna bida byla u ťim, že to byv bars prostyj čolovik - neškoluvanyj, svita neskušenyj... No jednako vdova rišyla, že soj ho vozme i vydala sja za ňoho.
Pervyj večur ji muž hvaryť:
-Iši moja teta hvaryly, že pravovirnyj žyd za nič na sviťi soj ne sjade za stil, poka sja ne vyspal zo ženov". Perespaly.
Po obiďi zajs hvaryť: A i mij ďido hvaryly, što pravovirnyj žyd soj ne
ľaže spaty poka ne perespal zo ženov.
Rano: "A moja nebižka baba..." , a pered obidom: "A mij nebižťik ujko..." Kurtše povidženo, za paru ťyždňiv sja vdovy žvidujuť ľude, jak sja ji žyje z novym mužom. I ona odpovidať:
-Pravda, mij novyj muž ne je takyj inteligentnyj i školuvanyj jak peršyj, no zato vin pochodyť z takoj bars dobroj rodyny...!

Ujko Vasyľ:
-Rusnaci, pamjatajte, poka vy siďite na facebooku - Čiňane sja rozmnožujuť...!

Ujko Vasyľ:
-Borovička hubyť Rusnakiv, no any ony ju ne šanujuť...!

Rozumy ujka Vasyľa:
-Rusnaku, všytky hrošy ne zarobyš, dašto treba i vkrasty...!

Ujko Vasyľ davať rozumy:
-Pered seksom partnery pomahajuť soj rozblikaty jeden druhoho. Po seksi sja oblikať každyj sam. I ťam soj, u praktičnym žyvoťi tyž tak. Poťim kiď ťa "pomylujuť" - nychto ti už ne pomože!

Teta Paraska:
-Jak každa žene i ja ľubľu nove oblečiňa (lachy, šmaťa), ale najradšej jem kiď sja zmišču do starych...!

Hvaryť kamarat Vasyľovi:
-Ja prezervativy ne chosnuju - mam klaustrofobiju...!

-Kiď v noči vyjdeš z muzyky (zabavy), zasmotryš sja romantičňi na nebo povne zvizd - z nosa ti perestane teči krov, zaspomynal soj ujko Vasyľ na svoju molodisť na rusnackim seľi.

Pryšov do roboty Vasyľiv šef na novim BMW.
Vasyľ ohurenyj krasnym motorom lem ňimo zazerať...
-Ľubyť sja ti Vasyľu...?
-Hej, ľubyť...
-No vydyš... Starčiť dakus osobnoj iniciativy - paru nadčasiv, suboty, neďili, odriknuty soj dovolenku... A na druhyj rik možu pryjty iši na krajšim...!

Ujko Vasyľ: Rusyňske svjato "Pjatňica večur" trymať try dňi...

-Marčo a ty maš frajira?
-Ňi...
-No i jak to!? Taka myla, tonka, ščavnata, čarivna ďivka a ne mať frajira?
-Umer od ščasťa...

-...ale Parasko, zos prezevativom, to predsik ne nevira...!
-Jak chočeš Vasyľu, ale pamjataj, zos tlumičom (na pištoli) - poťim ne vražda...!