Ujko Vasyľ...

Inzerat u Labirskych novynkoch:
-Naša firma hledať novoho učtovnyka. Staroho tyž!

Ujko Vasyľ:
-Samička pavuka "Čorna vdovica" zožre svojoho partnera takoj po pariňu.
Štatistična žena soj totu pasyju rozplanuje na cilyj žyvot..

Prychodyť Paraska za direktorom vjazňici (basy) i mu hvaryť:
-Ne mohly by ste daty mojomu mužovi lehšu robotu?
-Dumate soj, že lipiňa znamok ťažka robota...?
-Lipiňa znamok? A mi hvaryv, že kopať tunel...!

Muž klyče svoju molodu ženu Parasku na nudaplaž. Ona ne mať ďaku.
-Vasyľu, ja tam z tobov ne idu. Ľude by soj dumaly, že jem sja vydala za tebe pro majetky.

Ujko Vasyľ prychodyť do v Labirci do apatyky (lekarňi) i sja zviduje:
-Existuje viagra pro ženy...?
-Sprobujte zlatnyctvo, na druhim boku toj ulici...!

-Povičte, Vasyľu, a vaš pes ňa ne zjisť?
-Ňi, ta što ste!? Lem ponadkusuje...

Ujko Vasyľ kolo dietologa.
-No a tu je vaša dieta ujku na deň: 300g dušenoj cukety, 400 g zelenoj čakanky a šalatu, možete tiko lem chočete...
-Pan dochtor a zvonec (spižak, kolokolčik) soj mam daty na šyju, abo sja možu lem tak voľňi pasty...

Moloďata. Svadobna nič.
-Marčiko, musju sa ti čestno pryznaty, že ty ne jes v moji postiľi perša žena...
-Andrijku, mylačik, ja tyž choču byty čestna: Ja ti ne virju...!

Instrukcyja pro nafukuvacyj matrac byla na 24 jazykoch svita napysana - Ne chosnujte na plavaňa vo voďi!
Lem po rusyňsky na ňim bylo dodatkovo napysane:
Kiď plavete, trymte sja!

Ujko Vasyľ:
-Dnyskaj je takyj šumnyj jarnyj deň - bylo by velykym hrichom ne sisty soj v korčmi ku oblaku!

-Vasyľu, tvoja Paraska byla vo Francyji...?
-Ňi, to ja ju navčyv...!

Marča dostala sms:
-Slečna, možu vas pozvaty na večeru z raňajkami (fryštykom)...?

Mudrota ujka Vasyľa:
Kiď rusnaka sverbyť nis, a vypyty ne jesť što, joho dovirja do narodnoj poslovici (porekadla) hluboko padať...

Mudrota ujka Vasyľa:
-Žyty treba tak, žeby ti na facebook ne zostavalo času...

Ujka Vasyľa na dorozi do roboty do Irska sja žviduje kolega:
-Čuv jem, že jes Paraski nasadyv pas cudnosti...?
-Pravda! odvrkne ujko.
-Našto ju tak morduješ čoloviče, však soj povičme rivno, ona tučna, škareda... chto by iši taku choťiv?
-Znam, znam, dobri znam... Zato kiď sja vernu domiv, ta ji povim, že jem kľuč stratyv...!

Teta Paraska klyče hosťi na navštevu i varuje ich, že zvonok ne funguje...
-Kiď prydete ku nam, ta durkajte nohami...
-Ta čom nohami, Parasko...?
-No a što vy, z porožňima rukami rychtujete ku nam prychodyty...?!

Paraska pojasňuje Vasyľovi:
-Zajs ti prypomynam, čista jucha - to kiď napysane na obaľi 100%, ovocnyj napytok (napoj) - ta to kiď pyšuť ot 50 do 80% a kiď napysane 40% - ta to nektar!
-Však toto, toto... Ja davno hvaryv, že rusyňska borovička to nektar!

Ujko Vasyľ robyť na družstvi. Ich korovjača farma vykazuje šumny vyslidky v produkciji moloka. Na farmu prychodyť tv štab nakrutyty reportaž.
-Ujku Vasyľu, jak sja Vam podarylo dosjahnuty taku vysoku vyrobu moloka?
-Tak jak i u sviťi ľudi, aj tu pomože lem dobre laskave slovo. Prydu rano do stajňi i tak sja perežvidam: Korovičky, moločko čy biftek...!?

Ujko Vasyľ bere poharyk borovičky do ruky, vstavať v korčmi zos stoličky i hvaryť svojim kamaratom:
- Prypyvam na moju Parasku, dnyskaj mať 40...
- Ujku, vy mate taku molodu ženu? zvedavo sja žviduje molodyj parobok.
- Ňi, ja bisiduju o horjački..., odpovidať ostro ujko.

Prychodyť ujko Vasyľ z korčmy domiv dakus pjanyj. Teta Paraska na ňoho grjavčiť, tryme kazaňa... Ujko lem tycho sluchať, poťim pidojme maleňky očka i šeptom povisť:
-Parasko, serce moje, toto tu všytko napyš a ja rano vstanu... i do poslidňoj bukvy (pismenka) soj to pročitam...!