Ujko Vasyľ...
Rodyna termiťiv u obchoďi IKEA.
-Mamko a što budeme maty na fryštyk?
-Švedskyj sťil...
Ujko Vasyľ robjať v pohrebňi službi. Vjedno zos kolegom naaranžujuť nebožťika-ateistu.
-Lem sja posmoť na ňoho, jak sja vyštafiruvav a i tak ne mať de ity…
Mudrota ujka Vasyľa:
-Ťilo čolovika to na 80% voda. Kiď takŷj čolovik ne mať ciľi u žŷvoťi, dumkŷ, any snŷ, ta to vin poťim lem - vertikalna mlaka...
Vasyľ Paraski:
-Milačik, choťila by jes sja staty chlopom?
-Ňi a tŷ?
Paraska i Vasyľ - zolota svaďba.
-A tiko chlopom jem nasadyl parohy...! kekešať sja ujko.
-A ja lem jednomu...! lakoňičňi dodala teta.
Tak začinať zvada...
-Ja, abo pyvo...! proholosyla kategorično Paraska, kiď sja Vasyľ zajs zberal do korčmy.
-A tiko toho pyva...? zvidav sja nesmilo Vasyľ.
Vasyľ sja vertať nadranom domiv. Paraska mu nadavať:
-Što jes dočista zošaľiv, cilu nič jem oko na zažmuryla...?!
-A tŷ dumaš, že ja hej...!
Zviduje sja susid Vasyľa:
-Kiby jem sja vŷspav z tvojov Paraskov, chto ja budu poťim tobi?
Kamarat? Rodyna?...
-Ňi, budeme soj kvit...
Mudrota ujka Vasyľa:
Zvada na facebooku je jak Olimpiada durakiv.
I kiď vŷhraš i tak ostaneš debil...
-Vasyľu, tŷ maš dajakŷj cholodnŷj pohľad!
-A što sja čuduješ, ľive oko -2 a prave -5...?!
Ujko Vasyľ:
-Peruňska motorka vam može služyty až do kinca žyvota, starčiť na ňi lem peruňski švŷdko jazdyty...
Marča žalostyvo kamaratki:
-Ne pryšol, ne uviďil, ne vyhral, dokince any ne zavolal...
Muzyka u Labirici. Parobok Marči.
-Smotrju na tebe i tak rozdumuju: Vŷpyty iši, abo sja mi už ľubyš...?
Marčin muž-molodoženač odpovidať na žvidaňa:
-Koly skinčiv vaš midovŷj misjac?
-Kiď jem perestav žeňi pomahaty mŷty gratŷ a už mŷju lem ja sam...
Mudrota ujka Vasyľa:
-Jaka velyka škoda, že ne jesť Medžinarodnŷj deň duraka. Mam velyku žaždu - paru ľudej pozdravyty!
Ujko Vasyľ: Smutnŷj moment u žŷvoťi pacienta - dochtor začinať googlyty...
Mudrota ujka Vasyľa:
Žŷvot je jak šachova partyja, po jej skinčiňu sja kraľove i pišaky odložať do jednoj korobkŷ (škatuľi)...
Ujko Vasyľ sja zviduje kamarata:
-Ty, jes sja de včera na muzyki propal...?
-Hledal jem soj paru...!
-Našol jes?
-Hej, Natašu i Tamaru...!
-Ujku Vasyľu, varto (oplatyť sja) daty inzerat do Labirskŷch novynok?
-Jakže bŷ ňi?! U poneďiľok vŷšol naš inzerat, že hledame vartaša a vo vivtorok nas vŷkraly...
Vasyľ Paraski:
-Doroha, ja odchodžu od tebe...!
-Ta čom...?!
-Našol jem soj tuňšu...
Naše obce
Zobraziť galérie
Ujko Vasyľ
-Marčo a ty maš frajira?
-Ňi...
-No i jak to!? Taka myla, tonka, ščavnata, čarivna ďivka a ne mať frajira?
-Umer od ščasťa...
Československý svět v Karpatech
Československý svet v Karpatoch
Čechoslovackyj svit v Karpatach
Reprezentatívna fotopublikácia
Objednať