Ujko Vasyľ...

Ujko Vasyľ: Dorosly rusnaci už ne virjať na podarunky od sv. Nykolaja, ony choďať volyty...

Bŷv takŷj durnŷj, že zabludyv i na tobogaňi...

Vasyľ prychodyť do labirskoj korčmy naproty nemocňici...
-Prošu soj dvi borovičkŷ, jednu pro mene a druhu za moho chvoroho kamarata, od kotroho idu zo špitaľa...
Vŷpje, zaplatyť i odchodyť. Takyj obraz sja opakuje paru dňi.
Na semŷj deň sja situacyja zminŷla.
-Prošu soj lem jednu borovičku...!
-Što sja stalo, umer vam kamarat...?! zviduje sja prekvapenŷj čašnŷk.
-Ňi, lem ja jem perestav pyty...!

Pojasňuje ujko Vasyľ u korčmi paribkom žŷvot:
-Naperek zakonom fiziky, babŷ z najlipšŷma aerodinamičnŷma kryvkami, kladuť najvekšŷj odpor...

Reklama na labirski korčmi:
Dnys je takyj šumnŷj deň, ta čom ho ne viďity dva raz...

Vasyľ už tak dovho ne mal ženu, že sja začal obzeraty už i za svojoj Paraskov...

Paraska ukladajuča ďity spaty, tak na nych zgrjavkla, že i suside radšej roztelyly i lehly soj spaty...

"Pered štiroma rokami všŷtkŷ TV kanalŷ v Rusku prynosyli novynu o žralokoch-ľudojidoch u Egipťi, de poranyly paru ruskŷch turysťiv. Och, zlatŷ časy... " pyše v svižim pysmi ujkovi Vasyľovi kamarat z Moskvŷ.

Sprjahu (žaždu, tužbu, smak) po vedomosťach hasjať studenty alkoholičnŷma trunkami...

Ujko Vasyľ:
Lipša jak reklama z holov babov, je reklama z dvomi holŷma babami...

Pjanŷj Vasyľ sja vertať pizno v noči domiv. Paraska hulekať i klepe palcom na hodynku...
-Što to mi ty tu vkazuješ...? Moja mamka, kiď sja vertal ňaňko domiv, tak mu pered očamy kalendarom machala...!

Marčika snŷvo kamaratki.
- Ja choču chlopa... žebŷ bŷl šumnŷj, mudrŷj i bohatŷj, romantyk, žebŷ znal tak akuratňi poľubyty, že až zvizdŷ vydno... žebŷ mi nosyl kvitkŷ.... och...!
- A našto tŷ takomu budeš?

-Ťamyš Vasyľu, jak jes v oseni chodyv na Domašu na rŷbačku?
-Ťamľu Parasko... Čom sja zviduješ?
-Tvoja ulovena ščuka dnyska volala, že je hruba...!

Marča i frajir.
-Joj, jakŷ malynovŷ gambŷ... jaka hruď... vŷkrojena šikarna talija.. ňižnŷj brišok..., okruhlŷj pupočok... a tu...,
-Paribče, tŷ prŷšol seksuvaty, čy na inventarizaciju?

Starŷj ujko Vasyľ sja oženŷl z molodov ďivkov. Po roku pryvodyť ženu do labirskoj porodňici.
-Vŷ ujku ste rjadnŷj borec... hvaryť dochtor.
-To znate, motor treba v otačkoch trymaty... hvaryť hordŷj otec.
Po roku ďido zajs pryvodyť ženu rodyty...
-Vŷ iši furt možete...? zviduje sja dochtor.
-To znate, motor treba v otačkoch trymaty...
Po roku ta sama situacyja...
-Ej ďidu, vŷmiňte soj u motori olij, bo sja vam černoško narodyl...

Paraska: Čim blyže bŷvať baba (stara mama), tŷm tučňišŷ vnukŷ...

Marča i frajir.
-Seks až po svaďbi...!
-Akceptuju, kiď sja vŷdaš, zavolaj...!

Stričať kamarat Vasyľa:
-Čul jem, že jes sja druhŷj raz oženyl...?
-Hej, vžal jem soj Taňu...
-Ta čom, však to sestra Paraskŷ, tvojoj peršoj ženŷ...?!
-Dajak jem soj na svekru pryvŷk...

Mudrota ujka Vasyľa: Palinka i zaľublenosť - oficiaľnŷ sponzorŷ ľudskoj durnotŷ...

Rano. Paraska batoryť Vasyľa.
-Vstavaj, do robotŷ, už je čas... Vstavaj... No, Vasyľu...! Vstaň!
Ňi, ňi, ňi, Vasyľu, ty musyš cilŷj vstaty...!