Rusynskoje zemljačestvo "Karpatska Rus" u Moskvi

Намаганя наладити у Москві русинськый національный живот мож прослідити из другоі половины 90-х рокув XX ст. Первыми „ласточками" стали: Общество друзей Карпатской Руси имени Ф.Ф. Аристова и „Московское Общество Карпатских Русинов", котрі заявили у медіях про начало своі діятельности. Обом сим організаціям не удалося офіціально зарегистроватися, позад чого они так и не наладили повноцінну общественну діятельность.

Качественно новый етап у теоріи русинського двиганя у Москві и вообще у Росіи, начався из созданія у августі 2007 рока Русинського Землячества „Карпатская Русь". Головными ідейными вдохновителями новоі організаціи выступили коріфеі московського русинства, выходець из Ужгородщины Йожеф Гливка и историк-русинист Михаил Дронов, котрі были избрані на учредительному собраніи, соотвітственно — председов и замістителем председы Землячества. Орієнтувучися на глубокі християнські корені русинськоі культуры, єдным из учредителей и первым духовником Русинського Землячества „Карпатская Русь" став знамый московський душпастырь — уроженец мараморош-ського села Копашнево - протоирей Михаил Фарковец (1953-2007). К сожаленію, безвременна кончина о. Михаила лишила молоду організацію духовного наставника, убіжденого патріота родного Подкарпатя.

Йожеф Гливка и Михаил Дронов учли опыт спередущих ОДКР им. Ф.Ф. Аристова и МОКР и пригласили ид взаимному сотрудничеству многых бывших членув сих несостоявшихся обществ. На разницю вуд організаціи спередущих, уже у новембрі 2007 рока Русинськое Землячество Карпатская Русь было офіціално зарегістровано Федеральнов регістраційнов службов, ги регіональна общественна організація. Из сього момента зачалася активна робота по гляданю новых єдиномышленникув - перво-етнічных русинув (у Москві йсе значить, у основному - то люди из Подкарпатя). Вовлекали сьме и тых руських, котрі симпатизовали русинському народу и його культурі. У тот час и быв созданый свуй информативный блог у Интернеті, такой зачалися регулярні стрічі и засіданя членського актива. У конци 2007 j рока Землячество дустало нового духовника — благочинного Успенського Благоченія столиці — протоирея Стефана Пристая, уроженца знамого села Изы.

Знамо, же діятельность сочасноі національноі організаціи ни у якому припаді не має ся замыкати лем на своих интересах. Иппен и зато Русинське Землячество „Карпатська Русь" возложила на себе посильный труд у ділі популаризаціи русинськоі исторіи и культуры у московському просторі.

Уже 20 децембра 2007 рока у московськуй Бібліотеці-фонді „Русскоє зарубежье" (дітище А.И.Солженицина) состоявся историко-культуро-логічный семинар „Подкарпатські русины и Росія". Сесе міроприятіє, котроє організовало Земля-j чество, стало первов у исторіи сочасноі Росіи научнов стрічов по русинистиці. Головным лейт-мотивом семинара стала пробематика русинсько-російських контактув у минувшому и теперішньому. У роботі міроприятія приняли участіє сотрудники Института Славяноведенія, Института Етнологіи и Антропологіи, Института научноі информаціи по общественным наукам Російськоі Академіи Наук, Центра Украйинистики и Білорусинистики Московського Державного Універзитета имени М. Ломоносова, Державноі Публичноі Историчеськоі Бібліотеки Росіи. Из позагатарных гостей присутствовав председа Сойма Подкарпатських Русинув - протоирей Димитрій Сидор.

На семінарі прозвучали и такі доклады, як: „Борьба русинув Подкарпатя за національну идентичность и отраженіє єі у исторіографіи (кандидат историчеських наук Марина Досталь), „Историко-правові обоснованя и требованя русинами теріторіи самосправованя (о. Димитрій Сидор), „Русскость и русинство" (Олег Неменский, сотрудник Института Славяноведенія Російськоі Академіи наук), „Російсько-русинські связі и актуальні вопросы изглядованя" (Михаил Дронов), „Карпато-руські интелігенты у Росіи" (Орлай. Балудянський, Лодій, Кукольник, Венелін-Гуца), доктор историчеських наук Нина Патаева). Русины очима руського вандровника первоі половкы XIX сторочя" (кандидат истор. наук Павел Куприянов), „Ку вопросу о периодиці Пряшевськоі Руси 1914-1944 рр." Елена Гурко-Кряжина, „Православна місія у Ладомирові у 20-40 рокы XX ст. (Сергей Столетов). Часть матеріалув семінара „Подкарпатські русины и Росія" пуздніше была опублікована на боках кишиневського журнала „Русин". Такой приятно отмітити, ош Бібліотека-фонд „Русскоє зарубежьє" стала постоянным и твердым партнером московськых русинув и русинофілув.

25 марта 2008 рока Землячество провело презентацію нового документального фільма про русинув „Я русин был, єсмь и буду" (Латвія. 2007 рук, автор сценарія о. Димитрій Сидор), котрый выкликав откровенный интерес у московськоі публіки. У августі 2008 рока у рамках русинського Землячества „Карпатская Русь" быв созданый Клуб цімборув Карпатськоі Руси, котрый обєдинив тых членув організацій, котрі не суть етнічными русинами, айбо мавуть интерес ид русинськуй культурі и откровенно симпатизувуть національному возрожденію русинського народа. Бульшусть членув сього клуба, котрый возглавив Михаил Дронов, є професіональні историки и філологи.

Природно, ош єдным из пріоритетув Землячества є межинародна русинська сполуробота. Зато не мож чудоватися, ош 7 юнія 2008 рока Йожеф Гливка и Михаил Дронов от имени Землячества приняли участіє у первому Европейському Конгресі Подкарпатськых Русинув, котрый проходив у будові Мукачовського Руського Драматичеського Театра. На другому Европейському Конгресі Подкарпатськых Русинув 25 октовбра 2008 рока московськых русинув представив активіст Землячества — православный публіцист Григорій Рачук.

5 новембра 2008 рока Землячество провело презентацію новоі книги Григорія Рачука „Подвижник Руси Карпатской Архимандрит Иов (Кундря), (Москва. Выдавательство Паломник), котра была посвячена новоправославному місто-чтимому сятому Хустської православної епархіи. На міроприятіи, де ся зобрало 60 чоловік, Григорій Рачук не лем розказав за свою літературну діятельность, айбо и озвучив москвичам рішеня посліднього Конгреса, котрый состоявся у Мукачові.

19 децембра 2008 рока Йожеф Гливка и Михаил Дронов приняли участіє у научно-практичнуй конференціи „Геноцид и культурный етноцид русинув Карпатськоі Руси", котра состоялася у Южному федеральному уні-верзитеті (Ростов-на-Дону). Мусай отмітити, ош сися конференція на свому уровні и по кулкости участникув была май масштабным русиністичным міроприятієм, котроє проводилося у послідні рокы у Росіи.

При сьому, за пувдруга рока существованя Землячества, єго члены не єден раз давали інтервью у медіях, выступали из своима популарными публікаціями, принимали участіє у многых общественных міроприятіях и телепередачах.

Русинськое Землячество „Карпатська Русь" планує и надале продолжати роботу у выбранному направленію. Йсе не годно не вселяти надежду на дальший розвой и укріпленя русинського двиганя як у Москві, так и у перспективі по цілуй Росіи.

Хочеся вірити, ош помалы у сисю роботу майактивно включаться люди из російських регіонув. На сись час, не позиравучи на свуй регіональный статус, Землячество уже має отділь-ных членув у Костромі, Перьмі и другых варошах необьятноі Російськоі Федераціи. Из близькых планув організаціи - йсе начало роботы свого повноцінного сайта. Майновіша акція Землячества - йсе презентація романа руськоязычного лемківського писателя Николая Матвіенко „Карпатські бріліанты". Хочеся вірити, ош намаганя москов-ськых активістув поможуть пропаговати русинську культуру, як у русинському окруженіи, так и на карпатськуй отцюзнині.

Михаил Дронов
Адаптовав др. Степан Лявинец

******
P.S.: На X. Світовому Конгресі Русинськоє Землячество "Карпатская Русь", дякувучи булшуй части голосув, стало офіціалным кандидатом у рядні члены СКР. Вступ Общества уєдно из новым варіантом станов СКР состоится у 2011 році на XI. Конгресі у Мадярщині. Русинськоє землячество "Карпатская Русь" має представити свою діятельность за сисі 2 рокы и дустати рекомендацію холем уд 2 рядных членув організацій СКР.

Русины, котрі живуть у Ро сіи, по свому статусу фактично и практично нияк ся не отличавуть уд русинув, котрі, напримір, живуть у Чеськуй Републіці. Русинські землі входили у состав як Чехословакіи, так и Совітського Союза. Зато природно, ош майактивна и мобілна часть русинув переселялася у центры тогочасных «своих» держав Чеськоі Републіки и Росіи. У послідні рокы, позад тяжкых економічеськых потрясінь и кризиса на Украйині, многі тысячі подкарпатськых русинув глядавуть роботу у Росіи. Кромі того, позад кризиса у самому Европейському Союзі, сись процес ищи май ся ускорив. Завто чисельность наших русинув у Росіи значно ся збулшуе из каждым роком. У сьому отношенію Росія и Чехія ставуть схожими на дві другі державы, котрі входять у состав СКР: США и Канада. Русины, котрі туй живуть, суть потомками такых же гастарбайтерув. Суть дані, ош у США и у Канаді находилося коло 1,5 міл. наших. Яка ситуація на теперішный час? Ци станеся то так, ош русинув може ся оказати булше (у своєму числі) за гатарами, а не на теренах историчеськоі Отцюз-нины? Дуже будуть интересными дані про йсе у такых державах, як Росія, Чеська Републіка, США, Канада и Украйина.

Др. Степан Лявинец