Ujko Vasyľ...

-Ľubyš?
-Ľubľu...
-Vozmeš si ňa?
-Ňi...
-Ta zliz...!

Ujko Vasyľ: Palinka ne vyrišyť vašy problemy... Pravda, moloko tyž ňi!

Teta Paraska: Kiď chlop ne mať všytkych doma, pryvodyť soj frajirku...

Ujko Vasyľ: Ja mam takyj hlubokyj son, že mene v noči vivci rachujuť...

Ujko Vasyľ: U naši perepyťi rusnacki rodyňi mať pamjať už lem komputer...

Ide soj Rusnak po dvori. A tu odrazu...
-Servus hrabľi! To zajs ja...!

Paraska Vasyľovi:
- Ňi, dnyskaj sex ne bude, nekupyl jes ochranu.
- No, ale mi iši predsyk jeden balyčok mame...
- Ňi, to pro hosťiv...

Teta Paraska: Mij Vasyľ tak ťažko robyť, že soj ne čuje ňi ruky, ňi nohy, ňi parohy...

Šporovlyva rusnacka rodyna.
-Vasyľu, čo jes soj vžal novyj mišok (vrecuško) čaju?
-Bo na starim sja otorhla nytočka...
-A što maš obidvi ruky livy, že ne znaš nazad pryšyty...!?

-Vasyľu, čul jes, že Mychal zo sušidňoho valalu z hornoho kince perestal pyty...
-Ten vičňi pjanyji?! Ňi, ne virju...
-Hej, pravda, včera jem u Labirskych novynkach nekrolog čital...

Moderna svaďba:
...a teper moloďata, na znak ľubvi i virnosty, vymiňte soj obručky i hesla od facebooku!

Vasyľ zo ženov večur v kuchňi:
-Paraska, rozdumal jem sja, perestupuju ku žydom...
-Našto ti to bude?
-Všytky hvarjať, že ony suť mudry, bohaty i sja dovjedna pidtrymjuť.
-Dobri by bylo, to je pravda, ale ony tebe Vasyľu ne vozmuť miži sebe.
-Zato, že ne jem obrizanyj?
-Ňi zato, ale zato, že ty durak...

Nedavno rozvedena teta Paraska:
-Obstarala jem soj kocura. Teper sja lem čuduju: vično sja motať kolo chladničky, abo sja vaľať cilyma dňami na dyvaňi, obhaňať mačky, dakoly zajs reve jak dykun, ne ľubyť moji kamaratky a bojiť sja vysavača (pyľsosa)... Čestňi hvarju, že mam take čuťa, jak kiby jem zajs byla vydata!

Stojiť ujko Vasyľ na ulici v Labirci. Nykde sja neponahľať. Tu ku ňomu prychodyť paňi - prodavačka kvitkiv i mu hvaryť:
-Kupte kvitky...
-Mi ne treba...
-No lem kupte, pro ženu - naisto sja poraduje...
-Ne mam ženu, vtekla od mene...
-Kupte, verne sja...
-O, Bože, ta lem toto ne dopusť...!

Ujko Vasyľ:

-Jak jem byl malyj, tak mi hvaryly: Ne ič z nožyka - zlyj vyrosneš! Kiď tak teper smotrju kolo sebe, dumam soj, že dakotrych rivno zo sokyry kormyly...

Recept na kokteil "Tajna (zahada) dušy rusnaka"
Do 50ml rusyňskoj borovičky pryliješ 30ml rusyňskoj borovičky, peremišaš i nakonec doliješ iši 20ml rusyňskoj borovičky... Na zdravľa! U rusnacki korčmi vyďilyly misce, pro tych, što soj u žyvoťi ne našly misce...

Ujko Vasyľ: Palinka mať na mene telepaticke vlijaňa. Naprymir, včera jem soj kupyl fľašku rusyňskoj borovičky. Ne vypyl jem iši any kapku a aj tak sja mi už vylipšyla nastrojenosť (nalada)...

Ujko Vasyľ rozdavať rozumy v korčmi molodomu paribkovi: Ďivku soj musyš vyberaty jak i lachy (odev) - nelem na osnovi farby a kvality, ale aj podľa toho, jak na tobi sidyť...

Ujko Vasyľ: U musuľmaňskych (moslymskych) krajinach mudryj baran, kiď zbačyť zabyjačkovu kosturu, začinať krochkaty...

Varuvaňa ujka Vasyľa:
-Kiď ide ku tobi hora a ty ne jes mohamed, tak vťikaj, bo to lavina.