Ujko Vasyľ...

Teta Paraska:
-Any sama ne znaš, ťiko ľudy ne maš rada, poka ne vyberaš meno pro ďitysko...!

Labirska fabryka.
-Vasyľ Handnoga, ste vyšmarenyj z roboty...
-Što!? Vyšmarenyj?! Ja dumav, že otroci/raby sja prodavajuť....!

Paraska:
-Vasyľ mih, v principi, i ne pyty, no u ňoho ne bylo takoho principu...

Marča:
-Poprosyla jem v litaku/letadli o zminu miscja, bo kolo mene syďila plačuča ďityna... Vkazalo sja, že sja ne dasť, bo ono moje...!

Paraska ďivki:
-Marčo, kiď soj rozopneš try gombičky na bluzki, ta soj ne musyš namaľuvaty očy....!

Marčika:
-Mij ňaňko sja bojiť Nykolaja... Furt jak sja zjavyť Nykolaj, prynese podarunky, ne hodna jem najty ňaňka...

-Mamko, a ty znaš, jak mušilo terpity bidne džvirja, žeby jes mohla ty nosyty tot kožuch?
-Marčiko, ne mala by jes tak bisiduvaty o ňaňkovi....!

Paraska telefonuje kamaratki.
-Što robyš...?
-Akurat pomaham najty synovi čokoladu, što jem mu včera zjila...

Labirskyj frajir:
-Kiď mi našla Marča maľuvatko na gamby u taški, tak jem sja radšej pryznav, že jem ji byv nevirnyj... Što kiby sja doznala, že jem - AVON lady...

Paraska:
-Bože, koly už i tu dozvoľať mnohoženstvo..! Jak možu ja, bidna žena, každyj deň sama voločity Vasyľa z korčmy do pjatoho etažu...!?

Paraska:
-Kiď ku mi ľiz frajir - viďily všytky, kiď lizly zloďiji - ne viďiv nychto!

Paraska i Vasyľ.
Ona mu byla bars doroha. Zato soj našov tunšu...

Paraska:
-Moraľňi jem calkom zmukarena/vystata - choťila by jem amoralňi odpočinuty...

-Slečna, dokoly robyte?
-Do 65-tky...!

Teta Paraska:
-To lem na rusnakoch fraza "pytnyj ňaňo/čistyj otec" - obvyňiňa/skarha...

Paraska: -Lem Rusnak hoden vypyty na apetit/smak, tak, što poťim nehoden dva dňi nyč isty...!

Ujko Vasyľ:
-Včera jem na choďbi našoho labirskoho panelakovoho domu viďiv vyšmarenu kopu časopysiv Playboy. Baču dalšyj rusnak sja prypojiv na internet...!

Paraska:
-Chlopi soj často myľať: šuvna - šuvňi namaľuvana...

-Otče, prošu rozhrišeňije, choču sja rozvesty z Vasyľom...
-Ta čom, ďivko moja...?
-Lem pyje, nygde ne robyť i ňa byje...!
-Ta čom jes soj takoho brala?
-Durna jem byla...!
-No ta vydyš, vin soj ťa durnu vzav a ty mu teper tak...!

Zo žyvota. Samopobsluha u Labirci.
-Vik, to lem cifra. Ona nič ne hvaryť o rozumi čolovika, ne hvaryť o joho pohľadoch na žyvot. Všytko ne zavisyť ot perežytych rokiv, ale vecej ot zachovaň čolovika u konkretnych važnych vyzvach žyvota...
-Molodyj, perestaň mudruvaty! Abo vkaž občanku, abo vernyj borovičku do regalu...!