Ujko Vasyľ...

Vasyľ zabyv doma mobil. Vernuv sja po ňoho a tu dvi vistky.
Perša od frajirky: -Jem beznaďijni zufala... Ciluju, zazvoň!
Druha od Parasky: -Ne stresuj sja, už jem ji pozvonyla...

Ujko Vasyľ krytyčnym poetom:
Kolo oblaka stojaly dvoje, každyj viďiv svoje...
Pčolka viďila kvitky, mucha h.... !

Paraska Marči:
-Kiď ťa muž pozve na kavu z kolačikom, ta to značiť, že ty i bez koňaka/borovičky šuvna...

Vasyľ kamaratovi:
-Čoloviče, ťamyš iši, jak pachne nova knyžka...? Vjazba, papir, druk... Jak svižyj chľib holodnomu...
-Ňi, bo ja smartfonovo-facebookovyj povaľač...!

-Teto Parasko, jak je daleko z Krasnoho Brodu do Labirce...
-Byly 3 km, no poťim pryšly dajaky mudrijaše zos Braťislavy, mirjaly i mirjaly, ta i namirjaly - 5 km. A teper musyme pro nych/z ich vyny 2 km dale chodyty...!

Konec druhoj svitovoj vojny. Vasyľ byvať v chyžočki na hranyci Podkarpatskoj Rusi i Sloveňska.
Prychoďať geodety. Kresľať novy hranyci do mapy.
-Ujku, vaša chyža ležyť prjamo na hranyci, linyja prochodyť rivno tu kolo šparheta. Povičte, de chočete žyty - v Českosloveňsku, čy v Rusku...?
-U Českosloveňsku, bo v Rusku bars velyka zyma...!

-Mamko posmoťte, ja jem všytko zjila...
-Dobri Marčo, šak i zato my z ňaňom už chočeme, žeby jes ty 33-ročna začala žyty sama, okremo od nas...!

Ujko Vasyľ:
-Ukrajinskoj armady sja všytky bojať, holovňi toty, kotrym miži 18-27 rokami...

Ujko Vasyľ spomynať kolo ďivočky Marčiky, jak chodyv do školy...
-Raz jem dostav za pysomku z anatomiji zarivno pjatku i poznamku/poznačku...!
-Oj, ta čom ňaňku...:?!
-Za ťahak, učiteľka ňa odhalyla/odkryla, kiď jem soj rachuvav rebra...!

Mudrota ujka Vasyľa:
-Kiď sja ti podarylo ocyganyty čolovika, to ne značyť, že vin durak, ale to značyť, že tobi dovirjuvav vecej, jak jes soj zaslužyv...!

Subota rano. Paraska iši v postely soj bere očny kapky.
Dvi kapky do ľivoho oka, dvi kapky do pravoho oka a dvi kapky do lona...
Vasyľ na ňu začudovaňi zazerať:
-Što to robyš, ty jes už dočista podurila...?!
-No a što..?! Šak ona už tyž dohvo nyč ne viďila...

-Ujku Vasyľu, čy znate, što značiť skoročenyna ČSR?
-Jasňi, že znam, šak ja ne durak - Čechy, Slovaky, Rusyne...!

Paraska:
-Ja ho pohostyla kavov... A vin posmotriv na moju hruď... Takoj mi bylo jasno, že choče z molokom...!

Ujko Vasyľ. Matematična zadača.
-Do labirskoho bazenu pryťikať za hodynu 400l vody a vyťikať 405l...
Majuť kupajuči sja sumliňa?

Rusyne - naspivavišyj narod Evropy.
-Ujku, jak mate daleko z korčmy domiv...?
-Try spivanky...

Pjana Paraska prychodyť domiv i takoj žačinať karaty:
-Ta ja ťa hledam po všytkych labirskyvh korčmoch a ty soj tu myješ graty...!

Mudrota ujka Vasyľa:
-Alkoholizmus to taka etapa žyvota, kiď palinka už ne škodyť, ale ličyť...

Ujko Vasyľ historik:
-Jurij Gagarin vo svoji molodosty bars žaždyv/tužyv byty pervym v kozmi, no suky ho perebihly...

Marčika sja zviduje Vasyľa:
-Ňaňku, jak sja zvala svekra Adama?
-Vin ne mav svekru, ďivočko... Vin žyv v raji!

Vasyľ zabludyv u ľisi. Stojiť i holosno kričiť: U-hu-hu-huuuú..., u-hu-hu-huuuú..., u-hu-hu-huuuú...
A tu ho zozadu po plečy ktoskaj vdaryť. Obertať sja - medviď!
Medviď: "Čoloviče, čom tak grjavčiš...?!
Vasyľ: "Zabludyv jem, može dachto začuje..."
Medviď:"No dobri, začuv jem ťa, polehšalo ti...!?"