Ujko Vasyľ...

Teta Paraska:
-Babky, kotry soj cilyj školskyj rik vely plano/ ne spravuvaly sja slušňi - dostanuť na starisť vnukiv na cly vakacyji...

Ujko Vasyľ naholos:
-Chlop znervozňije u žyvoťi dva raz... Peršyj raž, kiď ne može druhyj raz...
A druhyj raz, kiď ne može any peršyj raz...

Vasyľ cilyj fijalovyj soj prezerať Marčynu škoľarsku knyžku. U ťim prychodyť ďivka i važnym holosom sja zvidasť:
-Ňaňku, što soj dumate...!? Za všytko odpovidňa ulyca abo lem toty geny...!

Rusnackyj bordeľ. Na vchodi velykyj napys:
-Tunše - lem doma!

Susidke odnošiňa:
-Pjanyj susid Vasyľ včera večur u nas požadav o političnyj azyl... I tu sja pryhnala joho Paraska z vaľkom i narušyly všytky normy mižinarodnoho prava...

Labirskyj restavrant. Vasyľ obiduje. Odrazu...
-Pan čašnyk, pan čašnyk, poďte skoro tu...! U moji polyvci dašto plavať...!
-Ne stresujte ujku, u kažďi akuratňi polyvci dašto plavať...!
-To hej, ale toto plavať kraulom...!

Ujko Vasyľ:
-A vas už dachto budyv - žeby ste soj lehly spaty?!

Ujko Vasyľ:
-Mi sja tak vydyť, že ľude dnys tunšy - jak ich oblečiňa...

-Vasyľu vstavaj, buďik zvonyť...!
-Povič mu, že zavolam...!

Mudrota ujka Vasyľa:
-Kiď sja porpľi rušajuť, ta to ušy...!

Hvaryť smutňi Vasyľ svojomu kamaratovi:
-Byv jem u kupeľoch. Pered odchodom domiv jem poslav žeňi telegram, že prydu u seredu... A jak otvorju dveri vidžu - chlop v posteli...! Znaš soj predstavyty tot šok...?!
-Znam..., ale ona može ne je až taka paskudna, Vasyľu! Može lem na pošťi majuť bordeľ...!

Vasyľ u navali žarlyvosty/revnyvosty:
-Pryznaj sja paskudňico, že jes mi nevirna...! Pidvodyš ňa?!
-A koly, ne znaš mi povisty?! Rano do roboty, z roboty po obchodoch, poťim cvalom domiv, navaryty, nakormyty, poprjataty... Ne znaš mi povisty, koly?
-Vaď to ďilo lem dvoch mynut....!
-Hej, dvi mynuty...! Ta to tak akurat z tobov...!

Vasyľ:
-Paraska byla z tych bab, pered kotryma ňa varuvala mamka,
ale kotry mi proponuvav/doporučuvav ňaňko...!

Vasyľ hvaryť Marči:
-Včera jem ťa viďiv jak jes sja oblapjala/objimala z paribkom v motori. Što za jeden...!?
-A jakoj farby byv tot motor...!?

Osyf, labirskyj playboy, zochabyv/rozyšov sja z Marčov, bo byv peresvidčenyj, že sja z nym schodyť lem pro hrošy - kotry ji vin dovhuvav...

Ujko Vasyľ:
-Parasko, kiď sja dožyju penziji, ne budu nyč, absolutňi nyč robyty. Cilyj misjac budu liňuchovaty u kresli-kolysanki...
-A poťim što?
-Poťim sja začnu hompaľaty...

Vasyľ:
-Suť taky princezny, kotry kiď po vyslobodžiňu lipše spoznaš, ta soj poviš:
-Hospody, ta čoho ja toho neščastnoho draka/drakona zadusyv...?!

Paraska Marči:
-Kiď ťa frajir poznať lem z lipšoho boku, ta sja ne kruť/ne vertyj...!

Ujko Vasyľ: Nedopypyta fľaška - signal, že u kolektivi nezdorova atmosfera...!

Prodavať Paraska na labirskim bazari/torhu jabka...
-Jabka, jabka z Čornobilu...!
-Parasko, što jes durna... To ti nychto ne bude kupuvaty...!
-O, čuduvav by jes sja... Chto pro šefa, chto pro svekru...!