Ujko Vasyľ...

Teta Paraska na bali hvaryť ujkovi Vasyľovi:
-Po pjaťim koňaku sja z tebe stavat nudnyj džvir…
-Ale ja dnyskaj nyč ne pyv…!
-Ale ja hej…!

Teta Paraska:
-Lem što najdu kluč od serenči (ščasťa), furt dachto vyminyť zamok…

Teta Paraska klyče hosti na navštevu i varuje ich, že zvonok ne funguje…
-Kiď prydete ku nam, ta durkajte nohami…
-Ta čom nohami Parasko?
-No a što vy? Z porožňima rukami rychtujete ku nam prychodyty…!

-Ujku Vasyľu, vy žyjete u bars malim malim kvartiľu, pravda?
-Hej, jak ste zhadaly?
-Vaš psyk machať chvostom ne z boku na bik, ale hori – dolom…

Rusko. Inzerat u dnešňi Moskovski Pravďi
-Ženščyny, perestaňte prosyty Ďida Moroza na Novyj rik, že by Vam naďilyv robitnych i nepyjuščich chlopiv...!
Už teper piv Moskvy - moslyme...!

Ujko Vasyľ:
-Mij 17-ročnyj syn ne pje...
-Skady pochodyť tvoje take pevne peresvidčiňa...?!
-Joho kamaraťa sja mi na ňoho skaržyly...!

Ujko Vasyľ:
-Ne dovirjam verbľudom/ťavam i všytkym tym, kotry vytrymuť tyždeň ne pyty...!

Ujko Vasyľ zo ženov Paraskov byly pozvany na recepciju. Ponukať sja drink. Časnyk diskretňi sja žviduje ujka, što najvecej ľubyť pyty teta?
-Moju krov..!

-No što paribci, dnyskaj zajs po 50!
-Ňiii, dnyskaj už molodšy zbalyme…

Na pohrobi vičnoho dovžnyka.
-A z nym odchodyť kušťičok každoho z nas…

-Pan dochtor, pomožte! Pomožte mi! Zaplaču hrošy jaky lem chočete, lem mi pomožte…! plače ujko Vasyľ kolo likara.
-Dobri…, ale hrošy doperedu! Bo to furt tak, pomožu čoloviku a vin soj poťim ležyť u hrobi a robyť sja, že ňa ne poznať…

Mudrota ujka Vasyľa:
-Podakotrym chlopom po svaďbi narosne hrebinok, podaktrym parohy….

Telefonuje orthoped teťi Paraski:
-Tot šek, kotrym ste mi zaplatyly u ordinaciji, je nekrytyj. Akurat sja mi z banky vernuv…
-Tak samo jak moja artritida (zapal klubiv), pane dochtore… odpovisť teta

Ujko Vasyľ:
-U ťim roci jem byv v Moskvi i Egipťi. Ňit rozďilu, každyj pjatyj Rus…

Jak je daleko na Kremenec? žviduje sja turysta ujka Vasyľa.
–Devjať kilometriv, odpovisť ujko.
Turysta odyjde a teta Paraska vyčitavo Vasyľovi:
-Ne mih jes mu povisty, že lem pjať – ne viďiv jes jakyj byv chudak zmukarenyj?

Pozvav soj prychiater Parasku na kontrolu.
-Vaš muž Vasyľ soj robyť o vas starosty. Požadav ňa, žeby jem vas vyšetryv. Hvaryv mi, že často chodyty po kvartiľu zo zňatymy rukami i rozťahnutyma palcami. Možete mi dašto ku tomu povisty?
-Hej, isto vam povim - čekam lem pokaľ mi zaschne lak na nichťoch...

Ujko Vasyľ soj u Labirci otvoryv seks-shop z nazvom: Štučky-dručky…

Ľito. Vjaznica (basa). Odsudženoho pryvely z vysluchu do cely. I vin takoj klopkať na skinu sušidovi:
-Vasyľu, Vasyľu, spyš? Zobuď sja!
-No što chočeš?
-Všytko nalipše ku novomu roku…!
-Što jes ošaliv, take vinšuvaňa, kiď na dvori horjače lito?
Ňet, akurat idu z vysluchu a tam hvaryyi, že ti prydajuť jeden rik…

Z Marčynynoho dennyka:
Našla jem soj frajira – mudroho, dobroho, virnoho i šumnoho… A byla jem bars ščastlyva.
Všytko vytrymalo lem korotko, pokaľ sja mudryj ne diznav o dobrim a virnyj o šumňim…

Ujko Vasyľ prodavať na trhovysku, prychodyť ku ňomu mistecka paňička:
-Ujko, toto je mačička, alebo kocurik?
-Podľa ušok ne znate rozpoznaty?
-Nieeee…!
-Aha, bo to kralyk, paňi zlata… povidať ujko.