Ujko Vasyľ...

Vasyľ prychodyť zmukarenyj z roboty domiv. Paraska soj sydyť za počitačom zaňata facebookom. Po časi, neobertajuči holovu od monitora, sja ho zvidasť:
-Perekusyv bys dašto, Vasyľu?
-Hej, najradšej kabel od internetu...!

Perebyvajuť sja chlopi u labirski korčmi, chto i što nevirojatne, čudesne zažyv...
Šora pryšla ku ujkovi Vasyľovi:
-Idu soj vam tak na Hruňi po stežki, i tu vidžu v pisku sja vaľať pidkova.
Beru do ruku, obertam a tam kiň (kôň)...

Ujko Vasyľ: Čudo natury.
- Ja nyjak raz ne hoden porozumyty, jak dokažuť holuby "obkadyty" bilyj motor čornym a čornyj motor bilym...

Paraska o Vasyľovi: Joho bida je v ťim, že kiď ne je pjanyj, tak je terezvyj...

Ujko Vasyľ:
- Čolovik bez sňiv, jak ptašok bez krylcjat. Kadyty - može, ľitaty - ňi...

Manželstvo Vasyľa i Parasky bylo už na peršyj pohľad nevybalansuvane,
Vasyľova zadňica byla polovička z polovičky joho polovičky...

U rusnacki korčmi vyďilyly misce, pro tych, što soj u žyvoťi ne našly misce...

Ujko Vasyľ:
-Rusnaci, pokľa vy vypysujete všelyjaky durnoty tu na facebooku, Čiňane ne traťať čas - rozmnožujuť sja...

Marča:
-Ja choču strityty takoho chlopa, kotryj choče striityty taku babu, jak jem ja...

Voľby. Ujko Vasyľ:
Nam Rusnakom už tiko toho naobicjaly a nam iši furt malo...!

V labirski korčmi ide burlyva bišida pro aktualnu politiku. Emociji dotuvany borovičkov rosnuť. Čas vžaty slovo i utlumyty vašńi. Ujko Vasyľ:
-Čestovaňi i mily, kocurovi serdečňi jedno, što soj o ňim dumajuť sivy myšky...

Ujko Vasyľ:
- Čudesňi veľo Rusnakiv ščezne bez stopy pry perechoďi od slov ku skutkom...

Ujko Vasyľ:
Kiď ty umer, ty o ťim ne znaš, všytkym naokolo je z toho ťažko. Situacija taka sama, jak kiď jes durnyj...

Vasyľ:
Operla hruď do moho pohľadu...

-Tak ťi povim kamarat mij, toty Piešťany suť čudesny kupeli (kurorty). Rano fryštyk, po nych seks, na poludenok smačnyj obid, poťim odpočinok a po ňim seks. Večur diskoteka a zajs seks...
-A ty jes tam dakoly byv, Vasyľu?
-Ňi, lem mi Paraska včera pysmo z stady poslala...

Ujko Vasyľ rozdavať rozumy u korčmi molodomu ženačovi:
...a dobri soj zaťam, nyč tak neohraničiť tvoji možlyvosty, jak kiď ti žena povisť: Rob soj, što lem chočeš...!

Labirska korčma.
-Kamaraťa moji a teper vas poprošu - bo prychodyť moja moloda frajirka, skoro nevista - žadny vulgarizmy ne chosnuvaty... Abo, znate što Vasyľu? Vas na každyj slučaj, radšej predstavľu, jak mojoho najmylšoho ňimoho kamarata...

Ujku Vasyľu, jak saj vam podarylo "zrobyty" taku šumnu divku? Mate dajakyj recept?
-Najdeš soj šumnu ženu, zasiješ i potim sja už lem dovho molyš, žeby Marčika byla poďibna do/na ženu a ne na tebe...

-Ujku Vasyľu, čom rusnaci tak bars ľubjať zberaty hryby i spivaty?
-Bo to za-dar-mo...!

Teta Paraska:
Moja Marča zajs čekať ďitysko. No, teper z nočnoho klubu...