Ujko Vasyľ...

Marča.
Pryroda ju ščiro obdaryla krasotov, no ale tu podarunky skinčily...

Ujko Vasyľ:
Skorše jem byval naproty psychiatryji, teper žyju naproty mojoho domu...

Ujko Vasyľ:
Kiď postavyš baranovi dvi vidra, jedno z vodov a jedno z borovičkov, ta vin sja napje vody.
A znaš čom? Bo je baran...!

Paraska objasňuje Vasyľovi, čom ho pidvela z nahodnym molodym paribkom.
-Pryšov ku mi takyj chudučkyj, špinavyj, obtorhanyj, holodnyj... Proponuvala jem mu vžaty sprchu, nakormyla jem ho, pohostyla vynom, podaruvala jem mu tvoju staru košuľu, trenirky i ancug... A nakonec sja vin mene iši zvidav: A ne najde sja iši dašto u vas, što vaš muž ne chosnuje...?

Zo žyvota. Ukrajinska kamaratka hvaryť Vasyľovi:
- Chlopi, zapamjatajte soj, jakyj seks takyj i boršč...
Vy - ne dopražyte! My - ne dovaryme...!

Ujko Vasyľ:
Psychiater na facebook po večeroch ne choďyť, jomu kontigent duračiny z roboty starčiť...

-Vasyľu, čom nosyš obručku na neakuratňim palci...?
-Bo jem sja oženyl z neakuratnov ženov...!

Ujko Vasyľ: Ja ľubľu tebe, žyvot mij! No, ale ty mene furt zajs i zajs...

Vysluchane zo žyvota. Marčika prosyť Vasyľa:
-Ňaňku, kupte mi reebok...!
-A nač ti bude, šak any akvarijum ne maš...!?

-Marčiko, ta jak soj nažyvaš z frajirom?
-Paradňi, chodyme na vylety, do kina, ľubkame sja, varyme dovjedna.. Ale suť i dribny nezhody miži nami...!
-Jaky?
-Ja by choťila dovhy bily svadobny šaty, taky krajkuvany, bohato vyšyvany kvitočkami, dovhyj šlajer, bili bokanči na vysokim abzatci... A vin ne choče o svaďbi any čuty...!

Hvaryť Vasyľ kamaratovi.
-Dnyskaj mať Paraska narodenyny a ja iši ne znam, što ji podaruvaty...
-Takyj malyj podarunok - pryď domiv terezvyj...
-Dumaš? Ale, však ne mať okruhly...!

Marča dostala SMS:
-Zbuduvav jem dom, zasadyv strom... Pryď!

Zo žyvota. Samoposluha u Labirci
-Vik, to lem cifra.. Ona nyč ne hvaryť o rozumi čolovika, ne hvaryť o joho pohľadoch na žyvot. Všytko ne zavisyť ot perežytych rokiv, ale vecej ot zachovaň čolovika u konkretnych važnych vyzvach žyvota...
-Molodyj, perestaň mudruvaty! Abo vkaž občanku, abo vernyj rusyňsku borovičku do regalu...!

Odvaha, energičnosť, čestnosť... holovny pryznaky pjanoho Rusnaka!

Ujko Vasyľ:
-Včera jem soj kupyl pakunok z troma prezervativami. Na obaľi stojalo: Vychosnujte do kince roku 2019.
Nyjak raz, ne znam pochopyty, čom na mene takyj natysk robjať...!

Ujko Vasyľ: Teper pidu do obchodu i kupľu soj 0,7l zmysla žyvota...

Ujko Vasyľ:
- Hrošy to zaprodanci! Do korčmy iduť zo mnov, no vertam sja furt sam...

Ujko Vasyľ v korčmi:
-Chto nyč ne robyť, nyč ne popsuje! Dnyska jem nyč ne popsuv!

Vasyľ moloďi ďivki:
Kiby jem byl poetom - napysav bym tobi styšky, kiby jem byv maľarom - namaľuvav bym ti portret, ale kidže jem vartašom u mebľarski fabryci - nukam ti posťiľ...

Ujko Vasyľ: Poľovnyctvo to je šport! Holovňi vtody, kiď patrony už došly a dykyj iši furt žyje...