Ujko Vasyľ...

Policajna patrola zastavuje motorystu - ujka Vasyľa. Na zadňich sidadloch vydyť ležaty jeleňa.
-Što to tam vezete...?
-Psa...!
-Psa zos parohamy?!
-No dozvoľte! Do pryvatnoho žyvota mojoha psa sja prošu ne starajte...!

Ujko Vasyľ:
-Što dumate, što mať zrobyty chlop, kiď ho byje žena...? Ja proponuvav jem ji rozvod, no začala byty iši sylňiše... Kiď ju zbju ja - pide na policiju...! Pidu ju udaty ja - budu na šmich...
Bože, što lem mam robyty...?!

Marča: Žeby mi frajir dokazav, že to dumať zo mnov važňi, pryšov na rande - zo sadžunkom stromu, cehlov i bez prezervativa...!

Paraska Marči:
-Kiď ľubyš naraz dvoch paribkiv - vyber soj toho druhoho. Bo kiby jes ľubyla pervoho, ta by jes sja ne zaľubyla do druhoho...!

Visemdesjaťročnyj ujko Vasyľ kolo likara u Labirci.
-Pane dochtor, furt po seksi mi bars pyskať v uchach...
-Ujku, to ne pyskot - to aplavz....!

Ujko Vasyľ:
-Optimista na olympiaďi - ne trenuje, lem sja učiť hymnu...!

-Och, Parasko, jaka ty mudra žena...!
-Ňi, ja ne mudra, lem skušena... bo kiby jem byla mudra, ta ne jem taka skušena!

Ujko Vasyľ:
-Zemľa, u sonečňi zostavi/sistemi - šalenyj dim...

Ujko Vasyľ:
-Ja mam na/do spaňa velykyj talant. Hoden jem i zo zažmurenyma očamy...

Teta Paraska:
-Ne všytko zlato, što sja blyšťiť, ne každyj chlop z vylamy - kraľ Neptun...!

Paraska:
-Každyj deň smotrju zo svoho labirskoho oblaka i vidžu jak furt o 18:30h molodyj lehiň vychodyť na ulicju kormyty bezdomny zvirji. Taj i ja teper počala vypusťaty o 18:30h svoho kocura na dvir/ulicju...!

Generacija Pampers. Marča:
-Našy babky-prababky ľubyly husariv, mamy krasnoarmejciv a pro nas zostaly už lem lovci pokemoňiv...!

-Ujku Vasyľu, mate doma dajaky zvirjata...?
-Psa, mačku i zamoroženoho harynga...!

Klyče Paraska mužovi.
-Vasyľu, možeš bisiduvaty?
-Možu...
-Ta poťim, sluchaj tu....!

Ujko Vasyľ:
-U ďitynstvi jem snyvav/mečtav, žeby každyj deň byv ohňostroj.
I zato jem sja stav zvarjačom...!

Ujko Vasyľ soj dav vydrukuvaty na tričko na hruď tekst:
Jem schizofrenik...
a na chrbet: I ja....

Mudrota ujka Vasyľa:
-Do zavtra ostavať jeden deň...!

Skaržať sja u korčmi ďido Vasyľ kamaratovi:
-Ne hňivať ňa, že mi Paraska kuryť moji cygaretľi, any to, že pje moju borovičku, bere moju penzyju... Ale kiď sja na obiďi smije na mene zos mojima zubami, to čolovika nase**...

Simdesjaťpjaťročnyj ďido Vasyľ zazerať na babku Parasku i tak soj zabožeňkať:
-Tak jem sja ťišyv, že kiď zostarnu, ta sja budu starav o zahoridku i vnukiv... A tu prask, duraky vydumaly Viagru...!

-Vasyľu, tvoja ďivka Marča je vydata?
-Ňi, čom sja zviduješ?
-Bo jem ju včera viďiv v parku, siďila tam i kojila...
-No i što, kiď mať čas i moloko...