Ujko Vasyľ...

Vasyľ Paraski:
-No vydyš jaka ty jes!? Sobi jes vzala vekšyj falatok a mi zochabyla menšyj...!
-A ty by jak zrobyv?
-Sobi by jem vzav menšyj...
-Však akurat takyj jem ti dala, ta čom poťim skomynčiš...!

Teta Paraska:
-Baby znajuť rozoznaty 348 odťiňiv pomady na gambu, ale rozoznaty akuratnoho chlopa od čudaka, to ňi...

Teta Paraska:
Ne jesť vyber - zelenyj čaj abo zelana kava... Voľba je zelena kovbasa - za deň (- minus) 10kg...

-Pocholoďilo, podumav sivyj vovk
i naťahnuv soj na ušyska červenu čapočku...

Marča spomynať. Ďidove perpetum mobile.
-Kiď jem byla mala, ta ňa každyj rik na litňi vakacyji rodyče vozyly na selo ku babi i ďidovi. I každyj rik, jak jem pryšla, byla ďidova garaž povna pyvnych i paliňkovych fľašok, kotry zme poťim z ďidom odnesly do obchodu. Any ne znam čom, ale to byv takyj ritual, kotryj mi prynosyv lem radisť i pozitivny emocyji. Za "zarobleny" korunky mi ďido poťim kupyly cukerky i čokoladu. A sobi tyž - paru fľašok pyva i palinky. I ťamľu, jak žmurkajuči na mene hvaryly:
"No vydyš, ďivočko moja, jak ťa ľubľu? Iši jes ne odyšla a ja sja už začav rychtuvaty na tvoji slidujuči vakacyji...!

Fotografovi na firemňi party platyly dva raz... Raz, žeby fotkuvav a druhyj raz, žeby vymazavav...

Ujko Vasyľ:
-Podarunok, što sja ne dasť vypyty, naisto bude dajaka ch___a... !

-Parasko a u vašim seli, jak zovut ženy, kotrych chlopi ne pjuť...?
-Tak obyčajňi - vdovy...!

Vasyľ znymať/bere telefon.
-To ty milačik?
-Ňi, to ja Paraska...

Ujko Vasyľ:
-Pryznačity/určity, u kotri Korey akuratňi ste, sja dasť podľa mochu na stromoch. Kiď ho ľude jiďať, tak ste u Severňi...

Teta Paraska:
-Ženske ščasťa/serenča - sama pochuďila, no hruď zostala...

Ujko Vasyľ:
-Tancuj tak, jak kiby Ťa nychto ne vidyť,
špivaj tak, jak kiby Ťa nychto ne čuv,
rob tak, jak kiby Ťa nychto ne platyv...!

Frajir/snubenec Marči pered svaďbov:
-Marčiko, ja by sja Ti choťiv vyznaty/vyspovidaty zo všytkych svojich hrichiv...
-Však pered tyždňom jes mi všytko pobisiduvav...
-Pered tyždňom, pered tyždňom... ale teper mam zajs paru svižych....

Ďitynstvo sja skinčilo.
Mama perestaly schovavaty cukryky a ňaňko začaly skryvaty borovičku...!

Paraska barmanka:
-Chlop mať furt pravdu...! Kiď chlop ne mať pravdu, ta poťim vin vaš muž...!

Vasyľ Paraski:
-Na osnovi vyskumu, pary kotry vjedno popyvajuť, menše sja hadajuť i otnošiňa/vzťah miži nyma pevňišyj/krepkišyj...
-Hej Vasyľu, ale ne každyj božyj deň...!
-Parasko, perestaň mi branyty, vojuvaty za naše ščasťa...

Prychodyť Paraska domiv o četverťi v noči. Vasyľ:
-Ty jes pyla...!?
-Ňi, ja sokyra...!

-A svadobny šaty ne maš šumny... povila svekra Marči po vinčanki...
-Ne vadyť, mamo, druhyj raz buduť krajšy...!

Vasyľ:
-Ne pyju, ne kurju, ne huľam, any baby soj ne obzeram, ľiham o 22:00h, vstavam o 6:00h... Tychyj, spokijnyj, poslušnyj...! No kiď ja raz vyjdu z basy, všytko sja odrazu zminyť...!

Vasyľ u likara:
- Pjete...?!
- Kiď naľijete, ta ne odmitnu...!