Ujko Vasyľ...

- Vasyľu a što planuješ na subotu?
- Vyspaty sja...!
- A poťim?
- Poťim bude poneďiľok...

Ujko Vasyľ:
- No što Rusnaci, už ste začaly novyj žyvot...? Ňi...?!
Ne vadyť, na dalšyj Novyj rik zajs poprobujete...

Dilema ujka Vasyľa:
- Čomu bila nytka, kotrov suť povjazany novy ponožky, furt micňiša, jak nytky, z kotrych ponožky vyrobeny...!?

Marčika:
-Jak ňaňko povisť, tak po mamyňim i bude...

Ňič. Paraska i Vasyľ v posteli.
- Vasyľu, vozmyj ňa ...!
- Spyj spokijno, ja nygde ne idu...

- Parasko, ty jes plakala...?!
- Ňiii..., ja jem lem v noči v posteli cibuľu krajala...

Mudrota ujka Vasyľa:
- Kiď žena ne mať chyby, kiď je ti krasna na každyj sposib/z každoho boku, ta to naisto ne tvoja...!

Teta Paraska:
- Kiď vas pokusav zlyj/planyj pes, ne buďte smutny, može raz vas pokusať i dobryj...

- Perebačte a vy ji chto?
- Ja jem Paraskyn milenec/ľubovnyk... Z peršoho manželstva!

Ujko Vasyľ:
- Kiď pryložyte ucho ku svoji porožňi piňaženci, ta u ňij možete čuty šelesťity našu oligarchovladu...

Šef sja zviduje Vasyľa:
-Chto tu durak, ja čy vy?
-O vas je zname, že durakiv do roboty ne berete...! vynašov sja Vasyľ.

Susida pozdravuje Parasku ku narodenynam:
-Krasoty tobi, lasky/ľubvi, piňazi i rozuma... Všytko ostatňe už maš...!

Teto Parasko, vy ste vydata?
-Hej, druhyj raz...
-A ďity mate?
-Šestero... Dvoje z pervym mužom, dvoje z druhym a zvyšňi dvoje - lem moji...!

Mudrota ujka Vasyľa:
-Furt, kiď možeš pomoči čoloviku, pomož mu i raduj sja z toho, bo to cez tebe Hospodin odpovidať na joho molytvu...

Ujko Vasyľ mudruje:
-Čom v diskusiji, što bylo skorše - jajce abo kurka, ne jesť žadnoj bisidy o kohutovi...?

Na osnovňi školi sja Marča obertať na bifľoša klasu.
-Prošu ťa, daj opysaty domacu z aritmetiky/počťiv...
-Ne dam...
-Daj...
-Ne dam...
-No dobri, ne daj... Budeš ty dašto od mene choťiv...
-Što by ja mih choťity od štirkarky....!
-Počekaj paru rokiv, ta poťim uvydyš...!

Direktor labirskoj SADky každyj večur ciluje šoferiv, tak po brežňevovsky, na gamby. Choče znaty, kotryj paskudnyk ťahať naftu z motora...

-Halooó, kume, ta zme včera dakus poseďily...
-Hej, zajdyte i dnyskaj...! Vernete nam mačku i vozmete soj čapku...

Vasyľ. Neistota.
-Kupyv jem soj včera 100% vivču brynzu... Doma jem pročitav, že to od firmy Baranok...

Teta Paraska:
-Mudra žena ňigda ne kričiť na svoho muža. Prykazy vydavať spokijno, zrozumilo i jasno...