Ujko Vasyľ...

Napys na labirski saňitki:
-Ne buďte neterpezlyvy!
Čym pizňiše prydeme - tym presňiša/točňiša diagnoza...

Ujko Vasyľ:
-Ťilo čolovika - to 80% voda. Kiď takyj čolovik ne mať u žyvoťi ciľi, dumky, any sny, ta vin lem - vertikalna mlaka...

Marčiki vpala lopta do Laborca i začala žalostno plakaty.
-Ne plač Marčiko, pered tobov cilyj žyvit - škola, frajire, robota, rodyna, ďity, hypoteka, najomne... Iši sja dojs naplačeš...!

Muž hmerať. Paraska plače:
-Ty umeraš Vasyľu a mene tu zochabľaš samu. Isto ja doraz pidu za tobov...!
-Ne ponahľaj sja, Parasko! Zochab ňa, dakus soj oddychnuty...!

Ujko Vasyľ:
"Holovna pryčina stresu - každodennyj kontakt z durakami..."

Ujko Vasyľ v pustyňi stričať leva. V strachu odrikať molytvu:
-O, Hospody, moľu sja, daj, naj ten lev sja po christiansky zachovať ku mi...!
V tim soj lev sjade na zadňi lapy, sklonyť holovu i prednese:
-Blahoslovi, Hospody, jidlo kotre teper pryjmu...

Vasyľ poetom:
-Od komplimeťiv do alimenťiv,
byvať veľo - krasnych momenťiv...

Ujko Vasyľ:
-Mam rad svojich kamaraťiv,
z nyma haňba - ale tak veselo...

Paraska:
-Odvaha, energičnosť, čestnosť... holovny pryznaky pjanoho Rusnaka!

Rusnackyj kraj. Davny časy. Ďido i babka soj kupyly radio. Zapynajuť "na zasuvku"... Tycho.... Čekajuť... Radio zadymylo...
-Vasyľu, ta čom nyč ne hvarjať...?
-Počekaj..., dokurjať i začnuť....!

-Vasyľu, ty jes vecej lysyj, jak ja...!
-Ta što jes...! Ja ne mam na holovi ňi jednoho volosa, tak samo jak i ty...! Jak možeš toke poťim hvaryty?
-Ale ty maš vekšu holovu...!

Svaďbjana nič. Molody majuť za sobov perše myluvaňa. Pokurujuť...
-Vydyť sja mi Marčo, že ja ne jem tvij peršyj...?!
Nevista, hluboko poťahne...
-Mi sja zajs tak vydyť, že ani poslidňij...

Ujko Vasyľ:
-Miži ľuďmi teper vecej napodobenyn, jak orginaľiv...

Ujko Vasyľ: Teper pidu do sklepu/obchodu i kupľu soj 0,7l zmyslu žyvota...

Vasyľ:
-Zo ženov zme žyly ščastylvo i spokijňi... ...pokaľ Paraska ne zbačyla, že naša susida vterať oblaky - mojimi trenirkami...

Pan dochtor, pomožte, mij Vasyľ vypušťať dymovy količka...
-No i što? Však i ja tak dakoly čiňu!
-To hej, ale viň ne kuryť...!

Smij sja - dnyskaj, plač - zaraň...!
A toto čitaj - každyj deň...

Paraska: Znaly ste, že kava vyzyvať agresiju?
-Včera jem z kamaratkami v kaveja-bari vypyla
3 fľašky vyna a Vasyľ doma 2 šalky/maly findži kavy...
Vy soj any ne znate predstavyty, jakyj byv agresivnyj, kiď jem sja rano vernula domiv...!

-Včera jem byla na očňim...
-No, i što ti povily, Parasko?
-Žebym sja abecedu/alfavit navčila...

-Ne znam, što mam robyty. Vasyľ pišov pered 3 rokmi do Hameryky a teper mi pyše, žebym za nym pryšla i z našyma dvomi ďitmi...
-Ta iď Parasko, de problem?
-Kiď ja mam teper už troje...!