Ujko Vasyľ...

U haburski korčmi vyďilyly misce, pro tych, što soj u žyvoťi ne našly misce..

Ujko Vasyľ:
-Palinka mať na mene telepaticke vlijaňa. Naprymer - včera jem soj kupyv fľašku rusyňskoj borovičky. Ne vypyv jem iši any kapku a už i tak sja mi polipšala nalada...

Marča na rande:
-Odrazu jem porozumyla, že z toho nič ne bude, kiď jem soj ja objidnala velykyj koňak a vin - moločnyj kokteil...

-Marčo, čom je už fľaška rusyňskoj borovičky do piv porožňa?
-Zato, bo Vy ste pesimista, ňaňku...!

Ujko Vasyľ:
-Včera jem vypyv tiko veľo vodky, že jem rano bisiduvav z ruskym pryzvukom...

Marča na rande z frajirom sja ne smilo zviduje:
-Už jes sja z dajakov dakoly ciluvav?
-Ňi, ta što jes! Abo..!? Lem raz, ale bylo tam veľo ľudy...
-A ľude, što tam robyly?
-Kričaly: "Horka, horka....!"

Ujko Vasyľ:
-Mij susid - hotovyj Džin, lem što otvorju flašku, takoj sja zjavyť...!

Ide soj Rusnak po dvori. A tu odrazu...
-Áuuú..., servus hrabľi...! Ta to zajs ja...!

-Vasyľu, čom nykde ne vydno 5* rusyňsku borovičku...
-Chto by vytrymav tak dovho na ňu čekaty...!

Otec duchovnyj prybyvajuť v saďi štachitky na ploťi. Dvoje malych na ňoho dovho zazerajuť.
-Ďity moji, chočete sja naučity klynci zabyvaty?
-Ňi, my lem chočeme znaty, jak hrišyť svajščenyk, kiď sja buchne molotkom po paľcoch...

-Parasko, milačik, što jes mi dnyskaj pryrychtuvala na večeru...?
-Nyč...
-Jak to, že nyč, však aj včera bylo nyč...?!
-To zato, bo jem na dva dňi navaryla...

Ďivočka Marčika prychodyť za ňaňom:
-Ňaňku, mam ku Vam dva oprosy (žvidaňa)..
-Dobri, ďityno moja, žviduj sja...
-Perše, možu dostaty od Vas paru korun? Druhe, čom ňi...?

Ujko Vasyľ:
-Peršyj raz jem sja ženyv u Bardijovi - neščastlyvo, druhyj raz jem sja oženyv u Snyňi - zajs nesčastlyvo, treťij raz u Labirci - konečňi sčasťa... Odteper sja už lem u Labirci budu ženyty...!

Do Labirce na sekretnu misiju pryšov James Bond, agent 007. No rusyňske komando 0,05; 0,5 i 0,7 ho v ramkach akciji "Bororo" bars skoro spacifikuvalo...

-Marčo a možu ti napysaty paru šorykiv na facebook? žviduje sja otravnyj parobok na konci zabavy/muzyky molodoj ďivky.
-Možeš, ale kiby jem ne odpovila, tak jem umerla od radosty...!

Ujko Vasyľ ide u Labirci po parku i vydyť jak sja tu vašnyvo myluje moloda para. Dovho na nych smotryť, až nakonec ho milenci zbačať. I ujko sja jim tak laskavo pryhovoryť:
-Ne dajte sja vyrušuvaty molody ľude, ja jem bars radyj, že tu u ťim ťažko skušaňim kraji, cholem iši dašto funguje...

Marčo, poď ku mi, ukažu ti zbirku motyľoch...!
-Što jes, teper o piv jednoj v noči...!
-Ne vadyť...! Ja mam nočnych - potemrykiv...

Ujko Vasyľ:
-Kiď je Paraska bars nahňivana, doklyče sja mi i na vypnutyj telefon...

Ujko Vasyľ agituje v korčmi:
-Rusnakovi z alergijov na palinku, musyť byty pryznana povna invalidita...

Uvaha/pojidnaňa:
Kiď kurju na balkoňi, tak ňikda ne meču špaky dolov na zemľu. Vitor by mih ohorok/opalok zanesty do kvartiľu pidomnov. Tam by začalo hority, vybuchnuv by plin, byly by zraňeny, mertvy... Pryšla by policija i našla by mene - vynuvatoho za trageďiji. Naisto by ňa vkazaly aj u televiziji i moja dobra mama by sja doznaly - že kurju...!