Ujko Vasyľ...

-Vasyľu, ty jes vecej lysyj, jak ja...!
-Ta što jes...! Ja ne mam na holovi ňi jednoho volosa, tak samo jak i ty...! Jak možeš toke poťim hvaryty?
-Ale ty maš vekšu holovu...!

Vasyľ:
-Zo ženov zme žyly ščastylvo i spokijňi... ...pokaľ Paraska ne zbačyla, že naša susida vterať oblaky - mojimi trenirkami...

-Otče a ženu v posťi možu...?!
-Možeš, ale lem nemastnu...!
-...a parky možu?
-Toty 4.-€ za kilo, možeš....

Ujko Vasyľ:
-Rost narkomanstva už bezpokojiť i nas alkoholykiv...!

Marča učiteľka - jazykarka:
-Kiď mi paribci pyšuť nemravny ponuky bez pomylok, vtody začinať
u mene orfografičnyj orgazmus...

Paraska:
-Čy mam dajaky chyby?! Jasňi, cilu furu...! Nakonec, ja iši žyva... Čom by maly ľude lem dobri o mi hvaryty...?!

Vasyľ - rusyňskyj intelektual.
-Už sja ťišu na dochodok/emeryturu... Cholem dokinču svoju druhu knyžku...
-Vasyľu, ty pyšeš knyžku...!?
-Ňi, čitam...!

Ujko Vasyľ:
-Chlopom tyž nelehko... Stričaš ženu svojich sniv - a ona vydata i mať frajira...

Ujko Vasyľ:
-Rusyňskyj kraj, ta takyj kut svita, de kiď ne pješ, ta sja musyš verejňi opravdaty/ospravedlnyty...

Paraska:
-Pryšla jem z telocvičňi, šmalec bolyť po cilim ťili...

Mudrota ujka Vasyľa:
-Stupeň svobody zavisyť od velykosty/rozmiriv klitky...

Paraska:
-Včera večur pryšov Vasyľ domiv takyj rozjidženyj/rozrušenyj, že jem ho-Rusnaka musila blahaty/upokojity hola, z piv decom rusyňskoj borovičky v ruci, kolo mysky povnoj tatarčanych pyrohiv...

Mudro od Parasky:
-Pravdov je, od nedotrymuvaňa pravil bezpečnosty/bezopasnosty može čolovik umerty, no ale i narodyty sja...!

Vasyľ:
-Užasna dumka mi pryšla do holovy, i teper uporno hledať mozog/rozum...

Mudro ujka Vasyľa:
-Dobro furt vyhravať nad zlom/lukavstvom, značyť, chto vyhrav, tot i dobryj...!

Paraska:
-Nyč tak ne ranyť čolovika, jak čerepyny (z rozbytoho) vlastnoho ščasťa...

Paraska Vasyľovi:
-Ja jem Ťi po rusnacky jasňi povila, že prydu za 5 mynut... A cilkom ne rozumľu, čom mi furt i furt klyčeš/zvonyš každu piv hodynu...

Včera večur hvarju mužovi:
-Vasyľu, u Afryci suť taky kmeňi, de muž koly zachoče, može prodaty svoju ženu... Kiby zme tam žyly my, ta ty by jes ňa prodav?
-Ňi Parasko, ja by tebe rivno podaruvav...!

Vasyľ:
-Kiď od mene odyšla Paraska, ta pravda, zostav jem bars smutnyj... No poťim jem soj pryviv myloho psyka, kupyv moped, po kotrim jem bars žaždyv, i nakonec - vyspav jem sja zo susidkov, na kotru jem už dovho mav ďaku/smak. Mij žyvot sja stav takym vyrivnanym, akuratňi naladženym, smačňi osolodženym... No teper už i dakus rozdumuju, što zo mnov bude, kiď sja Paraska verne večur z roboty...

Paraska:
-Ja jem pryjala kategorične rišiňa - ľubovnyka/milenca vecej ne choču...!
Naj sja mij Vasyľ sam mukaryť...!