Ujko Vasyľ...

Marčiko, iď jisty! Jidlo na stoli!
-Už idy, babo...
-Iď, bo ti vystyne...
Vnučka stavať iz-za komputera i ide do kuchňi.
Baba skačuť na jej misce ku komputeru:
-Jupííí, podarylo sja, smarkaňa jedna...!

Paraska upala i rozbyla soj pidborodok/pidhorlynu... Nyč strašne - mať iši jeden...!

Dakotry ďivky na FB sama tajemnica. Napr.
meno: Marča
prezvysko: skryte
rik narodžiňa: skryte
e-mail:handnogova1993@gmail.com

Paraska:
-Našla jem Vasyľiv zapysnyk/dzerkajdelko z materskoj školky/ďiťačoho sadu. I tam stojalo napysane - dobri isť, spyť i bavkať sja... Perešlo 50 rokiv - nyč sja ne zminylo...

Marča:
- Zaklykala jem včera svoji babi/babki, žeby ich pozdravyty ku jubileu... Nažyčyly mi toho vecej, jak ja jim...

Teta Paraska:
- Z chlopom mi musyť byty fajňi, bo mizerňi dokažu žyty i sama...!

- Pan inštruktor, kiď sja mi ne otvoryť padak, jak dovho budu padaty na zemľu...?
- Po cilyj zvyšok svoho žyvota, slečno...!

- Parasko, smoť, smoť, ja jem jednorožec...!
- Vasyľu, obleč soj trenirky..!

- Što pjuť Rusnaci?
- Na počatku - što choťať, poťim - što možuť a nakonec - što zostalo... Prosto, gurmane...!

Ujko Vasyľ:
- Poviv jem paliňki rezolutňi - ŇI...! No vkazalo sja, že borovička hlucha jak pňak...!

Paraska:
- Kiď soj dumate, že hirše už ne može byty - mate lem problem z fantazijov...

Ujko Vasyľ:
- Interesne, Paraska ňa pozorňi sluchať, lem kiď sja dohvarjam z dajakov druhov babov...

-Myly ďity a može mi dachto z vas povisty dajakyj pryklad čudesnoj nahody?
-Ja, ja, ja...!
-Naj sja ľubyť, Marčiko...
-Mij ňaňko i mamka maly svaďbu v ten samyj deň...!

-Marčiko, ty soj hledaš novoho frajira a iši jes sja ne rozyšla zo starym...!
-Joj mamko, vy kiď soj chočete kupyty novy bokanči, tyž ne idete do obchodu na boso...!

Mudrota ujka Vasyľa:
-Ne všytky zloďije už syďať, dakotry iši zašidajuť...!

Ujko Vasyľ:
-Ptaškom sja rano spivať, kiď im ne treba ity do roboty....!

Ujko Vasyľ:
-Ne majte strach litaty, u istroriji ne byv iši any jeden slučaj/prypad, žeby sja letadlo ne vernulo na zemľu...!

Ujko Vasyľ:
-Chrabrisť, česť i odvaha - try pryznaky pjanoho Rusnaka...

Ujko Vasyľ prychodyť u bari ku muzykantom i sja zviduje:
-Tiko stojiť u vas zahraťa špivanky?
-Tiko date, tiko vam ne žaľ...
-Parada... ja jem už ne viryv, že v našy časy, sja dasť dašto dostaty zadarmo...

Ujko Vasyľ:
-Kiby pečunka Rusnaka mala ruky, naisto by harlo prydusyla...!