Ujko Vasyľ...

Ujko Vasyľ:
-Pravdov je, že verbľud/ťava vytryme i misjac ne pyty, ale poťim i tak pidlehne... Ta poťim našto sja tak morduvaty!? Na zdravľa, Rusnaci...!

Kiď mala Marčika 2 roky ľubyla bihaty po plaži hola, teper mať 20
a dvi flašky šampanskoho ji pomahať vernuty sja do ďitynstva...

Ujko Vasyľ:
-Instrukcija pro chosnuvaňa po rusyňsky musyť načinaty zo slovami: No što duraku, už jes polamav...?!

Teta Paraska:
-Rusnak-džentleman, to takyj čolovik, što namisto slovka chu*****na, chosnuje slovko artefakt..."

Marča:
-Akuratne kamaratstvo: Prychodyš na stritnuťa piv hodynu pizniše, bo znaš, že sja nychto za to ne pohnivať a vydyš, že iši i tak tu nykoho ne jesť...

Reklama vo vyklaďi obchodu v Labirci:
-Ne dajte sja okradaty u druhim obchoďi - nakupujte u nas...!

-Ja tebe ľubľu! hvarjať Rusnaci.
-I love you! hvarjať Anglyčane.
Lem Čiňane v tychosty robjať svoje ďilo...

Sestrička Marča davať radu chvoromu u labirski nemocňici:
-Kiď chočete dajak obdaruvaty likara, ta zrobte tak iši do operaciji, po ňi už može byty pizno...

Marča z plačom paribkovi:
-Všytko už znam, všytko mi povily...! Ty jes takyj prutyk, takyj svyňar...! Ty "pomyluješ" všytko, što sja rušať...! Ja tobi tak viryla! Otvoryla jem ti svoje serdce i dušu...! A ty jes ňa lem využyv...! Čom, povič mi čom..?!
-No, čom, čom? ...bo jes sja rušala!

Ujko Vasyľ:
-Mij ďido hvaryly: Podarunok, kotryj sja ne dasť vypyty, to ne podarunok lem dajaka ch*****na...

Plavať sobi korytnačka, na jej cherbeťi - zmyja.
-Zošmarju - ukusyť, rozdumuje korytnačka.
-Ukušu - zošmaryť, dumať zmyja.
Zazerajuči z boku - i tak vyzerať micne babske kamaratstvo.

-Vasyľu, čom smotryš babam furt lem na lysty/lytka?
-Bo tam skryta dynamika i smak jich žyvota...!

Teta Paraska:
- V ostaňim čaši mij šef mať blyže ku pryroďi/naturi. Dočista zdžviriv...!

-Ujku Vasyľu, perebačte, ale ne vytorhnuv jem vam akuratnyj zub... Teper, mušu torhaty iši i tot boľavyj...
-Velyka serenča pane dochtore, že vy ne očnyj...!

Mudroty tety Parasky:
Lasťivky nyzko ľitajuť - doč,
Rozsypala sja siľ - zvada,
Rozsypav sja cuker - zmiriňa,
Upala vylka - hosťi pryduť,
Upala žyčka - obidvi ruky ľivy,
Upalo mydlo - čekajte nespoďivane,
Puknute zerkalo - bida,
Puknutyj prezervativ - volilo puknuty zerkalo...

Ujko Vasyľ i palinka:
a,Vasyľu a chto byv iniciatorom vašych otnošeňiji/vzťahu zos Paraskov? Borovička...!
b,Ja ne smutnyj, lem terezvyj...!
c, Vkladam hrošy do vodky... De inde ti dajuť 40% ?

Ujko Vasyľ:
-Chlopi i baby cvičať pro jedno i to same - dobraty sja ku krasnomu ženskomu ťilu...!

Zastaranyj i zunavenyj Vasyľ prychodyť z roboty domiv.
-Holubok, mam pro tebe radisnu novynu. Jem, hruba...!
-Do čorta... I ty..?!

Teta Paraska:
-Zvidala jem včera svojoho čarivnoho zerkala/džveredla, či je dachto krajšyj od mene... Iši teper mi diktuje mena, s***a jedna...!

Ujko Vasyľ:
- Napyty sja to ne vychodysko, lem varianta...