Ujko Vasyľ...

Paraska:
-Včera večur zme z Marčikov narisuvaly kocuryka. A rano nam takyj samyj mjavkav pered dverjami. Dnyskaj večur budeme risuvaty chyžu pry mori, motor Lexus, norkovyj kožuch...

Marčo a ty znaš, že jisty cukryky/konfety nezdravo? Stučňiješ i zuby ti zožovtnuť...
-Mij ďido sja dožyly stošisť rokiv! A všytky zuby maly zdorovy!
-Ony, naj jim dasť Hospodyn carstvo nebesne, každyj deň jily cukryky?
-Ňi, ony sja lem ne mišaly do toho - do čoho jich nyč...!

Dilema župana.
-Kde vzjaty asfalt na dorohy, žeby sja po nych vozyty na svojim Porsche, kotre v učtovnyctvi župy figuruje jak asfalt...

-Vasyľu, iši lem rano a ty už maš siňak pid okom...!
-Ale, začav jem Paraskii tykaty...
-A zato ťa tak oparadyla?
-Hej...! Ležu soj tak i mi hvaryť, poď Vasyľu pošpasuvaty, už zme my davno ne seksuvaly...
-Ne MY, ale lem TY...! styh jem vypovisty.

Ujko Vasyľ:
- Rusnaci sja často horďať, že suť sposobny najty vychod iz komplikuvanoho položiňa. Ale mi sja tak vydyť, že ony vekšy majstry - nachodyty tam vchod...!

Raj na zemľi - hamerycka vyplata, anglcka chyža, činske jidlo i rusnacka žena.
Peklo na zemľi - hamerycka žena, anglycke jidlo, činska chyža i rusnacka vyplata...

- Marčiko, ty čekaš princa na biľim Lexus-i?
- Ňi... Holovne, že by to byv čolovik dobroho serdca... Barva Lexus-a nevažna..!

U labirskoho dochtora.
-Teto Parasko, vašomu mužovi treba zabezpečity trvalyj pokij. Tu je recept - liky na upokojiňa nerviv...
- A jak mu ich mam davkuvaty...?
- To ne pro ňoho - ale pro vas...!

Teta Paraska mužskomu pokoliňu:
-Ne rozbyvajte nykomu serdce - u každoho lem jedno, lamte radšej kosty - ich 206...

-Vasyľu, dochtor mi rekomenduvav pity soj oddychnuty na Kanarsky ostrovy abo na Cyprus? De pideme?
-Ku druhomu dochtorovi...

Teta Paraska:
-Našto mi takyj chlop v obyscji, što ne znať any vibrator opravyty...!

Rusko. Pjatňica.
Oľa čitať Puškina, Zoja tancuje kreacyji z Lebeďinoho ozero, Taňa vyšyvať krestykom, Sveťa zos Irinov hrajuť damu, Nataša rozkladať pasijans, Ksjuša hraje na harfi... a to všytko zato, bo ľinyva Maša (Marča) ne styhla do 22:00h nakupyty vodku... (V Rusku platyť zakaz nočnoho prodaja palinky).

Teta Paraska:
-Pohlavnyj organ chlopa, štafetovyj kolyk žyvota...

Ujko Vasyľ:
-Kiď Japonci viďily, jak rusky turyste po vyluhuvaňu beruť mišok čaju do gamby a vysavajuť ostatky, pochopyly, že o Kurilsky ostrovy/obtoky bude Rusko vojuvalo až do kinca...

Marča svižo vydata prychodyť z mužom na selo. Midovy dňi. Pronajimajuť soj u gazďvskim domi komnatu/izbu. Peršyj deň ne vychoďať, druhyj tyž ňi, tyždeň ne vychoďať, nyč ne iďať. Domašňa babka začinať sja staraty i klopkať im na dveri:
-Vy tam, vy iši žyvy?
-Hej...!
-A isty ne chočete?
-Ďakujeme šumňi gazdyňo, ale my syty plodamy našoj ľubvi/lasky!
-No dobri vam tak, lem prošu ne vymitujte šupky zo svojich ploďiv z oblaka, bo sja mi husky davjať...!

Marčo, poď ku mi, ukažu ti zbirku motyľoch...!
-Što jes, teper o piv jednoj v noči...!
-To ne vadyť, ja mam potemrykiv/nočnych motyľoch...

Ujko Vasyľ:
-O chlopovi, što vydumav gombičky na rifľoch, možu povisty lem jednu rič - vin pyvo ne pje...

Teta Paraska:
-Rozlučiňa po anglycky - odchodyš a z nykym sja ne lučiš...
-Rozlučiňa po našomu - desjať raz sja rozlučiš, ale any za čorta ne odchodyš...

Marča pyše sms frajirovi:
-Mam strach... Perestav jes mi pysaty. Što sja stalo?!
-Perestav jem pyty...!

Ujko Vasyľ: Peremina v časi.
-Malyňky Marčiky perše dajuť do posťilky a poťim im hvarjať rozpravky, vekšym Marčam perše hvarjať rozpravky a poťim ich kladuť do posťilky...