Ujko Vasyľ...

V labirski korčmy sja rozbje oblak, čerepyny vlyťať dnuka a miži stolami sja vaľať kačelnica/vaľok.
Korčmar zareve do lokalu:
-Vasyľu, vstavaj, pryšla ti od Parasky esemeska...!

Ujko Vasyľ:
Subota - najťažšyj deň tyždňa. Treba soj i odpočinuty, i pospaty, i pohuľaty, i vypyty... A čolovik raz ne znať, z čoho začaty...

Hvaryť frajir Marči.
-Tu čitam, že muž počas seksu spalyť tiko kaloriji, jak kiby odbihnuv devjať kilometriv...
-No jasňi, majster svita! Devjať kilometriv za minutu!

Teta Paraska:
-Baby ťamte, pinquiny/tučnaky - to lasťivky, što jily po 18:00h...

-Parasko, tiko mate rokiv?
-Každyj rik inakše...!

Žeby Paraska dobri vyzerala v liťi v plavkach na plaži, už v zymi začala pidkormľuvaty svoju najlipšu kamaratku Natašu...´

Ujko Vasyľ z Labirce:
-U našim mistečku sja každyj poznať z každym. Zato zme z nazvu našoho kluba - Klub anonymnych alkoholykiv - odstranyly slovko "anonymnych"...

-Sluchaj Vasyľu, ja jem včera strityv tvoju Parasku u avtobusi
a ona mi takyj smišok rozpovila, že až jem z posťiľi upav...

Prychodyť Vasyľ na navštevu ku kamaratovi Jankovi.
-Vasyľu, hybaj, pideme ryby chapaty na Laborec...!
-Ale tam, any borovičku ne mame...!
-Posmoť tu, borovička jesť...!
-Znaš što Janku?! Ta poťim porybarčme lem tu u tebe...

Ujko Vasyľ na poľuvački z kamaratom natrafyly na svižy šlidy/stopy medviďa.
-Petre, iď za nym i posmoť - de zašov...!
-A ty de ideš?
-Ja sja posmotrju, odkaľ pryšov...

Marča:
-Mij frajir, jak Lewis Hamilton (viťaz F1) - furt skinčiť peršyj...!

Ujko Vasyľ:
-Žena jak kava, kiď serce dovolyť - ta i try raz za deň...!

Paraska:
-Bože, daj mi mudrosty porozumyty chlopa, ľubvi, žeby mu odpuštaty, terpezlyvosty, vytrymaty rozmary joho charakteru... Bože, lem mi ne daj tiko syly - žebym ho mohla na smerť dobyty...

Vasyľ:
-Hrošy to zaprodanci/zradcove, huľaty ideme dovjedna, ale domiv sja vertam furt sam...!

Vasyľ čuje Paraskyn holos z kupelky:
-Ľubyť - ne ľubyť, ľubyť - ne ľubyť, ľubyť - ne ľubyť... i tak samo pjatnacet mynut...
-Parasko, ne mohla by jes soj vyščipuvaty/vytorhuvaty pavučajky potychy...!

Marča, ďivka generacyji Pampers, pyše sms-ku:
-Milačik, ty takyj dobryj, daruješ mi kviťa, nosyš ňa na rukach, pomahaš mi zo všytkym, staraš sja o mene... Dokince, any raz zme sja iši ne povadyly...
Tak ti povim - nuda z tobov, musyme sja rozyjty...!

Psycholog: Parasko, odpustyly by ste neviru?
Paraska: Sobi hej, ale Vasyľovi ňi!

-Vasyľu, što to za pach? Vy ste pyly?
-Ňi, ja jem rybu il...
-Interesne, takyj borovičkovyj pach...
-To ryba pyla...!

Vasyľ:
-Baby taky samy, jak i my, lem dakus prijemňišy na omacaňa...!

Marčyna dilema:
-Kiď ďivka choče seks vecej jak parobok, chto mať zaplatyty za večeru...?